«Júıe qarjylyq qyzmetterdi tutynýshylarǵa qyzmet kórsetetin qandaıda bir bankke qaramastan, onlaın qoljetimdi bolýy úshin jáne tólem quraldaryn paıdalanatyn yńǵaıly ári qarapaıym tólem servısin usyný maqsatynda ázirlengen. Júıeniń fýnksıonaldyǵy uıaly telefon nómiri arqyly aýdarymdardy jáne ártúrli banktiń klıentteri arasynda QR-kod arqyly tólemderdi júzege asyrýǵa múmkindik beredi. LTJ qarjy ınstıtýttary usynatyn sıfrlyq qyzmetterdiń aýqymyn damytyp, keńeıtýge negiz bola alady», delingen Ulttyq bank habarlamasynda.
Servısterdi iske qosý 2 kezeńde júzege asyrylady:
- Birinshi kezeń – jeke tulǵalardyń telefon nómiri boıynsha aýdarymdar (P2P-aýdarymdar);
- Ekinshi kezeń – QR-kod arqyly qolma-qol aqshasyz tólemder (ulttyq QR-kod standartyna sáıkes) jáne saýda uıymdarynyń paıdasyna jańa tólem ssenarıılerin, onyń ishinde suranys boıynsha tólemderdi júzege asyrý.
Servısterdiń qoljetimdiligi týraly aqparatty klıentke qyzmet kórsetýshi banktiń ózi habarlaıdy.
«Telefon nómiri boıynsha aýdarym jasaý úshin aqsha jóneltýshige óz bankiniń – LTJ qatysýshysynyń uıaly qosymshasynda alýshynyń uıaly telefon nómirin engizip, aýdarym somasyn jáne alýshynyń bankin kórsetý jetkilikti. Aýdarylǵan aqsha alýshyǵa onyń LTJ qatysýshy banktegi shotyna lezde túsedi. Al, bankter óz klıentteri úshin P2P-aýdarym qyzmetteriniń tarıfin derbes belgileıdi», delingen vedomstvo aqparatynda.
Qazirdiń ózinde ekinshi deńgeıli 9 bank LTJ-ǵa qatysý týraly kelisim jasasty, onyń 4-i óz klıentterine LTJ qosyp qoısa, qalǵan 5 bank qosylý prosesinde. Jańa qyzmet osy bankterdiń mobıldi qosymshalaryndaǵy ishki prosesterdiń jetildirilýine qaraı paıda bolady.
