Bıýdjetke engizilgen túzetýler eń aldymen Almaty turǵyndarynyń ótinishteri men tilekterin eskere otyryp, áleýmettik basymdyqtardy iske asyrýǵa baǵyttalǵan.
О́ńir basshysynyń aıtýynsha, jańa oqý jylynda Qalqaman shaǵynaýdanynda (1800 oqýshy orny), Saıaly shaǵynaýdanynda (1800 oryn), Tomırıs shaǵynaýdanynda (1500 oryn) 3 jańa mektep ashý josparlanýda. Atalǵan oqý oryndarynyń jumys isteýi úshin, onyń ishinde muǵalimderdiń jalaqysyna jyl sońyna deıin 308 mln teńge bólinedi.
Oqýshy oryndarynyń tapshylyǵyn tómendetý maqsatynda Naýryzbaı, Túrksib jáne Alataý aýdandarynda árqaısysy 1500 oryndy 5 mekteptiń qurylysy jyl sońyna qaraı aıaqtalady.
Jergilikti bıýdjetten qosymsha shyǵyndarǵa qarjy qarastyrylǵan, mysaly, keshki oqý, ǵylymı dáreje, tálimgerlik, mektepke deıingi oqytý, muǵalimderdiń jalaqysyna jáne basqa shyǵyndarǵa, Prezıdenttiń tapsyrmasyn oryndaý maqsatynda Art Sport baǵdarlamasyn odan ári iske asyrý úshin Almatyda aǵymdaǵy jyldyń 1 qyrkúıegine deıin 4,5 mlrd teńge bólý josparlanýda.
Keńeıtilgen medısınalyq kómek kórsetý maqsatynda Túrksib, Alataý, Jetisý aýdandarynda 4 otbasylyq-dárigerlik ambýlatorııa salýǵa qarajat qarastyrylǵan. Balalar shuǵyl medısınalyq kómek ortalyǵynyń operasııalyq blogy bar qabyldaý bólimshesiniń qurylysy jalǵasýda.
Naýryzbaı aýdanynyń 100 myń turǵyny úshin jylýmen jabdyqtaý qýatyn ulǵaıta otyryp, qazandyqty keńeıtý aıaqtalýda. «Nurly jer» memlekettik baǵdarlamasyn iske asyrý maqsatynda jumys isteıtin jastar úshin turǵyn úı (1050 páter) satyp alý qarastyrylady.
Sonymen qatar ınjenerlik jelilerdi, jol jáne kólik ınfraqurylymyn odan ári damytý boıynsha naqty sharalar kózdelgen. Qala kóshelerin sý basý problemalaryn sheshý maqsatynda aryq jelisin qalpyna keltirý úshin qarajat qarastyrylǵan. Qalanyń qoǵamdyq kólik júıesin damytý úshin 50 jańa trolleıbýs satyp alynady.
Erekshe qajettilikteri bar adamdardy tegin tasymaldaýmen qosymsha qamtý jáne kólik sanyn eki ese – 46-dan 100-ge deıin arttyrý josparlanýda.
Azamattardyń jekelegen sanattaryn qoldaý maqsatynda máslıhat 18 nozologııa boıynsha 1 mlrd teńgeden astam somada tegin medısınalyq kómektiń qosymsha kepildendirilgen kólemin maquldady. Joba negizinde sırek kezdesetin aýrýlary bar Almaty turǵyndaryna dárilik zattarmen kómek kórsetý qarastyrylǵan.
Bulardan ózge, sessııada depýtattar qurylys salýda qala qurylysy reglamentterin iske asyrýdyń jańa josparyn qabyldady.
О́zgerister men tolyqtyrýlardy engizýdiń maqsattary men mindetteri:
- Jergilikti erekshelikterdi eskere otyryp, qala aýmaǵynyń turaqty damý prosesin teńgerimdi jáne quqyqtyq retteý;
- Turǵyndardyń naqty jáne kerek qajettilikterine sáıkes sapaly qalalyq ortany qurý men damytýǵa keshendi jáne júıeli tásildi qalyptastyrý;
- Erekshe sáýlettik, qala qurylystyq jáne qurylystyq retteý aımaqtaryn belgileýdi qamtamasyz etý;
- Standarttardy engizý, aýmaqty utymdy jáne qaýipsiz paıdalanýǵa jáne keıin de paıdalanýǵa usynymdar men talaptar;
Osyǵan oraı, ShAAJ, Ál-Farabı dańǵyly, Saın jáne Jandosov kóshelerinen joǵary taý betkeıleri men taý jyralarynda qala shekarasyna deıin kólbeýi 15 gradýstan joǵary kez kelgen ǵımarat salýǵa tyıym salynady, sondaı-aq aýyl sharýashylyǵy maqsatyndaǵy jer ýchaskelerin bólýge tyıym salynady, qoǵamdyq talqylaýdan ótý reglamenti engiziledi jáne 5 qabattan joǵary turǵyn úı salǵan kezde qala qurylysy keńesiniń oń qorytyndysyn alý engiziledi.
Osynyń bári taý bókterindegi aýmaqtardyń tyǵyzdalýyn ári retsiz qurylys salýdy toqtatýǵa, tabıǵı landshaftty saqtaýǵa, sondaı-aq kólik ınfraqurylymyna júktemeni azaıtýǵa, ekologııalyq jaǵdaıdy jaqsartýǵa múmkindik beredi jáne qurylys salynǵan aýmaqta normatıvtik qajettilikti eskere otyryp, tıisti áleýmettik ınfraqurylymmen qamtamasyz etedi.
