«Parlament ázirlegen jobany jalpyhalyqtyq talqylaýda qarastyryp, ony referendým arqyly qabyldaýdy usynamyn» , dedi Shavkat Mırzıeev.
Ol qoldanystaǵy zańnamaǵa sáıkes, Parlamenttiń ózi Konstıtýsııaǵa ózgertýler engizýge quqyly ekenin, biraq muny halyqtyń erkine súıene otyryp jasaǵan abzal ekenin atap ótti.
«Meniń oıymsha, eger biz azamattarymyzdyń pikiri men qoldaýyna súıene otyryp, referendým arqyly konstıtýsııalyq reformany júzege asyratyn bolsaq, onda bul naǵyz halyqtyq Konstıtýsııa bolady», dedi О́zbekstan Prezıdenti.
Onyń aıtýynsha, bul Konstıtýsııanyń jalǵyz qaınar kózi jáne avtory – halyq degen qaǵıdaǵa sáıkes keledi.
