Mindet – dıplomatııalyq dástúrdi jalǵastyrý

17-18 maýsymda Qazaq­stan­nyń tóra­ǵalyq etýimen Túr­­kitildes elder Par­lament­­tik Assambleıasynyń Jas par­­lamentarııler toby múshele­riniń birinshi otyrysy ótti. Oty­rysqa Qazaqstannan bólek, Túrkııa, Ázerbaıjan, Qyr­ǵyz­stan jáne О́zbek­stan respýblıkalarynan Jas parla­men­t­arııler tobynyń músheleri qatysty.

Jastar qanatynyń tór­aǵasy Nurjan Jetpisbaevtyń aıtýynsha, Túrkitildes el­der­diń ózara beıbitshilik qa­rym-qatynas jasaýynyń mańy­­zy zor. «Qazaq halqy bu­ryn­­ǵy zamannan beri baýy­ryn syılap, kórshisin qurmet­tegen. Túrkitildes baýyr­la­ry­myz­dyń Azııanyń júreginde bas qosýy erekshe mańyzǵa ıe. Ár el ózindik mańyz­dy oryn alady. Osy mańyz­dylyqty jas­tar tereń túsinedi. Aǵa býyn ókilderi jolǵa qoıǵan dıplo­ma­tııalyq qarym-qatynasty jalǵastyrý, bizdiń, jastardyń mindeti. Uǵy­nyp qana qoımaı, ta­rap­tarǵa paıdaly bolatyn nátı­jeli jumystar atqa­ry­lady degen senimdemin», dep atap ótti ol.

TúrkPA Jas parlamen­tarııleriniń múshesi, Túrkııa Respýblıkasy Uly Ulttyq Jı­nalysynyń depýtaty Zeı­nep Iyldyz Qazaq eline qonaq­jaılylyq úshin alǵys bildirdi.

«Túrki ıntegrasııasynyń halyq­aralyq deńgeıde mańyz­dylyǵy artyp, ár jıyn sa­ıyn taraptardy tol­ǵan­­dyr­ǵan máseleler oń she­­shi­min tabýda. Memleket­ara­lyq baı­­lanys­tardyń da kú­sheıip jatqan­­dyǵyn erek­­she atap ótýge bolady. Jyly shyraımen qar­sy al­ǵan­­­­dary­ńyz úshin alǵys bil­di­­re­min», dedi Zeınep Iyldyz.

Kezdesýge qatysqan elor­da­lyq jastar máslıhaty múshe­leriniń pikirinshe, jas parla­mentarıılermen kózbe-kóz júzdesip, tolǵandyrǵan suraq­taryna tushymdy jaýap alý qyzyqty ótken. Olar sondaı-aq óz elderindegi jas­tar saıasaty jaıynda jańa aqparatqa qanyq bolǵanyn aıtty.