Mol ónimnen úmitti

Oblystyq aýyl sharýa­shy­lyǵy basqarmasynyń máli­metine súıensek, bıyl egis alqaby 1 554,7 myń gektardy qurap otyr. О́tken jylmen salys­tyrǵanda dándi daqyldar alqaby 19,2 myń gektarǵa, kún­baǵys 6 myń gektarǵa, kartop 1,7 myń gek­tar­ǵa, sábiz 0,2 myń gektarǵa, qy­ryq­­­­qabat 0,1 myń gektarǵa jáne pııaz 0,2 myń gek­tarǵa art­qan. Sonymen qatar, mal azyǵy da­qyl­­dary jos­par­daǵy kór­setkish­ten joǵary tur. О́ńirdegi bar­lyq jemshóp daqyldary 102,9 myń gektarǵa teń.

Egis naýqanyna barlyq modı­fıkasııadaǵy 4 462 traktor jáne 245 egis kesheni jumyl­dyrylǵan. Kók­temgi dala jumy­staryn júr­gi­zýge 4,1 mlrd teńge qarajat bó­linipti. Al sýbsıdııa­laý isine 1,8 mlrd teńge qaras­ty­rylǵan.

Egis jumystary aıaq­taldy eken dep mıneraldy ty­ńaıt­qyshtardy qoldaný toq­tap qal­maıdy. Osy rette, jer­gi­lik­ti dıqandar ty­ńaıt­qysh­tar­dy sa­typ alý bo­ıynsha 17,8 myń ton­naǵa kelisim­shart ja­sas­qan. Búginde «Mıne­raldy ty­ńaıt­qyshtardyń qunyn sýbsıdııalaý» jáne «Tu­qym sha­rýa­shy­lyǵyn damytýdy qoldaý» baǵ­darlamalary sheńberinde óti­nimder qabyldanyp jatyr.

Bıyl oblys ákimdigi qolda­ýymen azyq-túlik qaýipsiz­digin qam­tamasyz etý jáne aýylsharýa­shylyq daqyldaryn ósirýdiń tıim­diligin arttyrýǵa qatysty bir­qatar sharany qolǵa alǵan bola­tyn. Sáıkesinshe, kókónis, baqsha jáne­ dándi daqyldar al­qaby artyp, egin­shilikpen aı­na­lysatyn sha­rýalardy sýb­sı­­dııalaýǵa bó­li­netin qarajat kóle­mi de ulǵaıyp keledi.

Pavlodar oblysy