Oblystyq TJD málimetinshe, kýáger 102 qyzmetine qońyraý shalyp, turǵyn úı ashyq jalynmen janyp jatqanyn habarlady.
Oqıǵa ornyna Jitiqara qalasynyń 12-О́SB kúshteri men quraldary, quramynda bes qyzmetker, eki birlik tehnıka, sondaı-aq Jitiqara aýdanynyń basqa da shuǵyl qyzmetteriniń ókilderi jiberildi.
Oqıǵa ornyna jetken órt sóndirýshiler aǵash veranda, ishinara kireberis jáne úıdiń barlyq perımetri boıynsha sozylǵan tóbe ashyq jalynmen janyp jatqanyn anyqtady.
«Oqıǵa ornynda úı ıesiniń, onyń ulynyń, qyzynyń jáne eki jasar nemeresiniń denesi tabyldy. О́rttiń shyǵý sebepteri anyqtalyp jatyr», delingen habarlamada.
