Atalǵan mańyzdy is-shara «Bloomberg» agenttiginiń qoldaýymen uıymdastyryldy jáne sheıh Tamım ben Hamad Ál Tánıdiń qamqorlyǵymen ótkizilip otyr.
Forým «Memleketterdiń ekonomıkalyq daǵdarystan shyǵý máselesi» taqyrybyna arnalǵan.
Forým jumysyna Memleket basshysynan bólek Togo Prezıdenti For Gnassıngbe, Namıbııa Prezıdenti Hage Geıngob, Grýzııanyń Premer-mınıstri Iraklıı Garıbashvılı, sondaı-aq Eýropa, Azııa jáne Afrıka elderiniń birqatar mınıstri men úkimetteriniń laýazymdy tulǵalary qatysady.
Sonymen qatar forým sessııalaryna Honeywell, Asyad Group, Islam damý banki, Tesla, Qatar Airways, The Boeing Company, QatarEnergy, Kuwait Petroleum Corporation, Southwest Holdings, Accor, Marriott International, Tingo, National Petroleum Corporation of Namibia, MeTL Group, Volkswagen, Dorna Sports, International Airlines Group, Infarm, Vitol, Franklin Templeton, Thyssenkrupp, Roubini Macro Associates, DAMAC Properties, Trip.com Group, Standard Chartered, Exxon Mobil Corporation, Google Cloud jáne basqa da halyqaralyq jetekshi korporasııalar men uıymdardyń basshylary jınaldy.
Forýmdy Qatar Ámiri Tamım ben Hamad Ál Tánı ashty.
Prezıdent Qasym-Jomart Toqaev «In Conversation with President Tokayev» atty arnaıy paneldik sessııaǵa qatysady dep josparlanǵan. Ony «Bloomberg Television» júrgizýshisi Manýs Krennı júrgizedi.
Qatar ekonomıkalyq forýmynyń qorytyndysy boıynsha jahandyq ósimniń kelesi kezeńiniń jospary ázirlenip, pandemııadan keıingi álemdi qalyptastyrý úshin naqty sheshimder usyný kózdelip otyr.
Aıana Toǵanbek
