«Kórmeniń negizgi baǵyttary: sıfrlyq óndiris, metall óńdeý, kóliktik mashına jasaý, metallýrgııa, energetıkaǵa arnalǵan tehnologııalar, jańa materıaldar, komponentter óndirisi, taý-ken ónerkásibi. Kompanııalar taý-ken metallýrgııa kesheni, mashına jasaý, hımııa jáne farmasevtıka ónerkásibi, qurylys ındýstrııasy, jeńil ónerkásip, sıfrlyq ındýstrııa, jasyl energııa, aeroǵarysh jáne qorǵanys ónerkásibi úshin ónimder men sheshimderdi usynady», delingen habarlamada.
Sondaı-aq INNOPROM-2022 iskerlik baǵdarlamasy aıasynda kompanııalar men óńirlerdiń konferensııalary men semınarlary josparlanǵan.
«6-7 shildede INNOPROMDA quramdas bólikterdi óndirýshilerdiń forýmy ótedi. Bul shara aıasynda quramdas bólikterdi óndirýshiler Reseı Federasııasynyń eń iri ónerkásiptik kompanııalaryna óz ónimderi men tehnologııalaryn usyna alady. INNOPROM - qazaqstandyq kompanııalar úshin ózin tanytýǵa, kelisimsharttar jasaýǵa jáne jańa seriktestik baılanystar ornatýǵa tamasha múmkindik», delingen QR IIDM baspasóz qyzmetiniń habarlamasynda.
Qazaqstan - bıyl INNOPROM-2022 kórmesiniń resmı seriktes eli. Osyǵan baılanysty qazaqstandyqtar quramdas bólikterdi óndirýshilerdiń forýmyna tegin qatysa alady.
Aıana Toǵanbek
