Talǵampaz sýretker Ábdirashıt Sydyhanov batystyq mánerde realıstik birneshe týyndymen qatar mıfke ıek súıeıtin túrli shyǵarma jazdy. Onyń jeke álemindegi eń basty erekshelik – túster traektorııasy. Iаkı, beıneleý ónerinde birinshi kezekte áser beretin, vızýaldy túrde emosııaǵa bóleıtin, sezý múmkindigin syılaıtyn – boıaý. Bul – aıdan anyq!
Tús qashanda úlken maǵynaly sımvoldyń rólin atqarady. Tipti adamdy bastapqy kezeńmen, ata-tegimen jáne olardyń oılaý qaǵıdasymen úndestiredi. Boıaý – sýretshi úshin adamnyń jan-dúnıesin, sezimderi men oıyn erkin bere alatyn qundy qural.
Máselen, «Qorqyt ata» kartınasy 1992 jyly jaryqqa shyqqan. Munda sol kezeńniń túsi bar. Sýretker aty ańyzǵa aınalǵan Qorqyt ata beınesin úlken fılosofııalyq maǵynamen ushtastyrady. Mundaǵy ıdeıa – máńgilik ómir.
Kompozısııada Qorqyt aspanda, beıne bir sheksiz ǵalamda nar ústinde qylqobyzymen áýendete qalyqtap ushyp barady. Móldir, ashyq tústermen berilgen aq saqaldy áýlıe Qorqyt baqsy, máńgilik sımvoly retinde berilgen. Qolyndaǵy qońyr, qoıý-qyzyl tústi qasıetti aspaby qylqobyz – sol álemge joldaıtyn jol, esigin ashatyn kilt ispetti.
Baqsańyz, salaly saýsaqtarynan, altyn tústi nurly isheginen shyqqan áýen – ókinish pen qaıǵy, ómirdiń ýaqytpen ǵana ólshenetin qysqa joly. Al kókshil-qara aspan, jyltyldaǵan aq túspen túrtken núkteli daqtar shoq juldyzdardy eske túsiretin tuńǵıyq álem, ıaǵnı – sheksizdik, ómirdiń jalǵasyna aınalǵan sımvol belgi. Qorqyt ata obrazy – máńgilik ómirdiń keıipkeri. Kúrdeli kompozısııanyń negizgi kilti osy.
