Balalardy qýantty

Bıylǵy Balalar jyly­nyń aıasynda osy Oqýshylar saraıynyń tálimgerleri erekshe syılyqqa ıe boldy. Jaqynda Jetisý oblysynyń ákimi Beıbit Isabaev Oqýshylar saraıyna arnaıy kelip, balalardyń ıgiligi úshin mıkroavtobýs syılady. Budan bylaı balalar túr­li konkýrsqa, jarysqa, eks­kýrsııaǵa osy shaǵyn avtobýstarmen tasymaldanady. Já­ne týra osyndaı qurmet Te­ke­li qalasyndaǵy Balalar men jasóspirimder týrızmi já­ne ólketaný ortalyǵyna da kórse­tildi. Olarǵa da jańa mıkro­avto­býstyń kilti berildi.

– Memleket basshysynyń she­shimimen bıyl Balalar jy­ly jarııalandy. Barlyq jaq­sylyqty, ıgilikti ózderiń sııaqty kishkentaı baldyrǵandarǵa usy­namyz. Elimiz jańa damý jolyna bet aldy. Jańa Qazaqstandy órkendetetin ózderińsińder. Oqýshylar saraıynda kóptegen úıirmege qatysasyńdar, Jetisý jeriniń tabıǵaty kórkem, baratyn, kóretin jerleri kóp. Sondyqtan bizdiń jetkinshekter Jetisýdyń ádemi jerlerin aralap, saıahat jasap, mádenıet mekemelerine, teatrlar men sport saraılaryna barýy úshin mıkro­avtobýs syılaýdy jón kórdik, – dedi oqýshylarmen kezde­sýde oblys ákimi Beıbit Isabaev.

Munan keıin oblys basshy­sy Oqýshylar saraıynyń jumy­symen tanysty. Ákim 3D-mo­deldeý men robot qurastyrý zert­hanasynda, úı sharýasyna beıimdeıtin sheberhanada bolyp, memleket qaıratkeri D.Qonaevtyń ómiri men qyzmetine arnalǵan mýzeı bólmesin, kórkem­sýret, horeografııa jáne IT-klas­terin, planetarıı zalyn aralap kórdi. Sol sııaqty keme qurastyratyn sheberhana, shahmat, taý týrızmi, robottehnıka kabınetterinde bolyp, balalarmen sóılesti.

Jetisý oblysy