«Bul kún 2005 jyldan beri búkil álemde naýqastardy donorlyq qanmen qamtamasyz etýdiń mańyzdylyǵyna nazar aýdarý úshin atap ótiledi. Elimizde jyl saıyn 400 myńnan astam qan quıý prosedýrasy jasalady. Osy múmkindikti paıdalanyp, emdelýshiler men dárigerlerdiń atynan donorlarǵa – qymbatty dostarymyzǵa, eń jaqsy kómekshilerimizge alǵys aıtamyn», dedi S.Ábdirahmanova.
Bıyl Dúnıejúzilik qan donory kúni «Qan donorlyǵy – yntymaqtastyq negizi. Donor bolyńyz jáne adam ómirin saqtaýǵa úles qosyńyz» uranymen ótýde. Uıymdastyrýshylardyń aıtýynsha, bul konsert qalyń jurtshylyqty qan tapsyrý qajettiligi týraly habardar etýdiń, sondaı-aq qoǵamdyq densaýlyq saqtaýdy nyǵaıtý úshin eriktilerdiń óteýsiz qan donorlyǵynyń mańyzyn nasıhattaýdyń taǵy bir múmkindigi.
«Donor bolý – adam ómirine arasha bolatyn ıgi is dep esepteımin. Osy mindetti atqaryp júrgen barsha donorlarǵa myqty densaýlyq tileımin», dedi ánshi Merýert Túsipbaeva.
О́z kezeginde Densaýlyq saqtaý mınıstrliginiń Medısınalyq kómekti uıymdastyrý departamenti dırektorynyń orynbasary Gúlnara Sársenbaeva bir qan donasııasy úsh adamnyń ómirin saqtap qalýy múmkin ekenin atap ótti.
«Qan qyzmetiniń tıimdi jumysy men donorlarymyzdyń qaıyrymdylyǵy men izgiligi arqyly elimizdegi barlyq medısınalyq uıym kez kelgen ýaqytta qan komponentterimen qamtamasyz etiledi. Bul qıyndyqqa tap bolǵan árbir adamnyń ómirin saqtap qalý múmkindigin arttyrady. Qurmetti donorlar, mereke qutty bolsyn jáne adam ómirin saqtap qalǵandaryńyzǵa rahmet!», dedi ol.
Aıta keteıik, konsert «AMANAT» partııasy men Densaýlyq saqtaý mınıstrliginiń qoldaýymen uıymdastyryldy. Is-sharaǵa Ulttyq Olımpıada komıteti tóraǵasynyń orynbasary Serik Sápıev, ánshi Dosymjan Tańatarov pen Asylhan Shalqarov, bloger Samal men Erbolat Jańabylovtar jáne taǵy da basqa tanymal adamdar qatysty.
Densaýlyq saqtaý mınıstrliginiń «Densaýlyq saqtaý salasyna qosqan úlesi úshin» tósbelgisimen 40-tan astam ret qan tapsyrǵan donorlar Ernur Táýirbekov pen Azamat Rahmetov marapattaldy. Donorlyqqa kóp jyl qatysqany úshin Samat Aǵaısenov Densaýlyq saqtaý mınıstrliginiń Qurmet gramotasymen marapattaldy.
