Kıksherıngtik qyzmet iske qosyldy

Bul samokattardy qosymshada belgilengen vırtýaldy turaq­ta ǵana qaldyrýǵa bolady. Osy­laısha, kompanııa kólik modelin­degi kıksherıngti damyta otyryp, búkil qalada vır­týaldy avto­turaq­tardyń tyǵyz jeli­sin jasaq­tap otyr. Zyrlaǵan samo­kat­­tar qo­ǵamdyq kólik ınfraqury­ly­­myn tolyq­tyrady jáne qala tur­ǵyn­daryna tipti qarbalas sát­terge beıim­delýge múmkindik bere­di. Av­to­turaqtar bir-birine jaqyn ornalasqan jáne turǵyn aýdandardy da, qala ortalyǵyn da qam­tı­dy. Samokattardyń jyldam­dy­ǵy saǵatyna 25 shaqyrymǵa deıin shektelgen, al árbir paıdalanýshy alǵashqy sapar aldynda arnaıy nusqaýlyqtan ótýge tıis.

Negizgi tarıf boıynsha sapar 120 teńgeden bastalyp, mınýty – 40 teńge bolmaq. Saıahat quny dınamıkalyq baǵa algorıtmi bo­ıynsha ózgerýi múmkin. Bul su­ranysqa, samokattar sanyna, qýaty men basqa ólshemderine táýeldi. О́z tarapynan Whoosh kóshedegi tártippen qosa, samokat­tar­dyń jaıaý júrginshiler men basqa qozǵalys túrlerine keder­gi ja­samaýyn qadaǵalaıdy. Son­dyq­tan osy qyzmettiń samokaty­men sapardy qosymshada «R» bel­gi­­simen belgilengen arnaıy núk­te­­­lerde ǵana aıaqtaýǵa bolady. Vır­­týal­dy turaqtar samokat­tar jaıaý júr­ginshiler men avto­mo­bıl­der­diń qozǵalysyna keder­gi keltir­meı­tindeı etip ornalas­ty­ryl­ǵan. Kompanııa qala ákimdigi­men keli­sim boıynsha vırtýaldy turaq oryn­daryna belgi qoıýdy josparlap otyr. Sol sııaqty Whoosh ko­man­da­sy táýlik boıy samokat qýat­ta­nyp, jumys istep tur­ǵanyna kóz jet­kizip, bireýi turaqqa durys turmaı qalsa, birkelki ornatyp otyrady.

Almatyda elektrosamokattarǵa ar­nal­m­aǵan, adamdar kóp serýen­deı­tin jerlerde júrýge tyıym sa­lynǵan aımaqtar da bar. Máse­len, Tuńǵysh Prezıdent atyndaǵy saıa­­baqta jáne Botanıkalyq baqta samo­katpen júrýge bolmaıdy. Sa­mo­kattar tyıym salynǵan aımaq­qa kirgende, qurylǵy arnaıy dy­bys­tyq sıgnal shyǵarady jáne toqtaıdy.

Qalada jyljýdyń jańa túri paıda bolǵan kezde, samokattardy basqarý mádenıetin damytý úshin onlaın júrgizý mektebi iske qosyldy. Oqýdan keıin paıdalanýshy test tapsyryp, jeńildik úshin jarnamalyq kod túrinde jaǵymdy bonýs alady.

Osy ýaqytqa deıin úlken megapolısterde 8 mln-nan astam adam Whoosh samokattaryn kún sa­ıyn paıdalanyp kelse, endi olar almatylyqtarǵa qoljetimdi boldy. Qyzmettiń birinshi kezektegi min­deti – samokattardy basqarý má­de­­nıe­­tin qalyptastyrý jáne olar­­dyń qala kóshelerine qaty­sýyn retteý.

«Samokattar qysqa qashyqtyq úshin ýaqytty aıtarlyqtaı únem­deıdi. Bul, ásirese Almaty sııaqty megapolıster jaǵdaıynda ózekti. Búkil álemde aýanyń lastanýy ózekti bolyp otyrǵanda kóliktiń balama, ekologııalyq taza túrlerin damytý bul máseleni ishinara sheshýge kómektesedi dep úmittenemiz. Klı­mattyq jaǵdaı­lar Almatyda jyl boıy mıkro­mobıldi kólik­ti paıdalanýǵa múmkindik bere­di. Sondyqtan kóptegen paıda­laný­shy samokattar men velo­sıped­ter­di jaqsy kóredi. 2021 jyly biz qyz­metimizdi paıdalanatyn bar­lyq qalalarda 4 myń tonna kómir­qyshqyl gazyn únemdedik», deıdi Whoosh qyzmetiniń negizin qalaýshy jáne bas dırektory Dmıtrıı Chýıko.

Tehnıkalyq turǵydan kelsek, árbir samokat óziniń Whoosh IoT modýlimen jabdyqtalǵan, ol samokat­tardy tolyq baqylaýǵa, mysa­ly, ornalasqan jerin, qýat deńg­eıin baqylaýǵa, naqty ýaqyt­taǵy sapar, jol tóseminiń sapasy týraly aqparat alý, urlanǵan kezde bloktaý nemese buzylyp qalsa jalǵa berýden bas tartýǵa múmkindik beredi.

Qoryta aıtqanda, osy qyzmetti iske qosý arqyly Qazaqstanda negizinen basqarýshylyq jáne ınjenerlik-tehnıkalyq baǵyttaǵy jumys oryndary, sondaı-aq jergilikti merdigerlermen, onyń ishinde shaǵyn bıznes ókilderimen turaqty jáne maýsymdyq jumys isteý úshin jaǵdaılar jasalmaq. Mysaly, Whoosh Almaty samokattar parkine servıstik qyzmet kórsetý úshin maýsymda 100-den astam adam jumyldyrylýy múmkin.

ALMATY