MUNAI О́NIMDERINE BAQYLAÝ KÚShEITILÝI TIIS

Keshe Parlament Májilisiniń Tóraǵasy Oral Muhamedjanovtyń jetekshiligimen osy palatanyń jalpy otyrysy bolyp ótti. Onda dástúr boıynsha depýtattar birqatar laýazym ıelerine saýaldaryn joldady. Májilistiń jalpy otyrysynda “Qazaqstan Respýblıkasynyń keıbir zańnamalyq aktilerine órt qaýipsizdigi máseleleri boıynsha ózgerister men tolyqtyrýlar engizý týraly” zań jobasy boıynsha Parlamenttiń Májilisi men Senaty arasyndaǵy kelispeýshilikterdi eńserý jónindegi kelisim komıssııasynyń usynystary qaraldy. Parlamenttiń qos palatasy arasyndaǵy zań jobasyna qatysty qaıshylyqtarǵa baılanysty kelisim komıssııasy ortaq sheshimge kelgen. Májilis pen Senat depýtat­tarynan quralǵan kelisim komıssııasy atalǵan zań jobasyn qarap shyǵyp, qaýly shyǵardy. Aıta ketý kerek, birqatar baptardyń keıbir tarmaqtary men tarmaqshalary negizinen qos pala­tanyń usynystary boıynsha birlesken redaksııada jazylǵan. Zań jobasyn qabyldaý nátıjesinde memlekettik órt baqylaýy adamdar jappaı jınalatyn tynys-tirshilikti qamtamasyz etý nysandarynda, sondaı-aq memlekettik menshiktegi obektilerde mindetti túrde saqtalmaq. Jalpy otyrysta Májilis men Senat arasyndaǵy kelispeýshilikterdi eńserý jónindegi kelisim komıssııasynyń usynystary depýtattar tarapynan da qoldaý tapty. Kelesi kezekte “Qazaqstan Res­pýb­lıkasynyń keıbir zańnamalyq aktilerine munaı jáne munaı ónimderiniń aınalymy salasynda memlekettik baqylaýdy kúsheıtý máseleleri boıynsha ózgerister men tolyqtyrýlar engizý týraly” zań jobasy ekinshi oqylymda talqyǵa sa­lyndy. Bul zań jobasy magıstraldyq munaı qubyr joldaryna sanksııasyz suǵyna qosylý jolymen júzege asyrylatyn munaı urlaýǵa qarsy kúres maqsatynda ázirlengen. Zań jobasyna bastamashylyq jasaǵan Májilis depýtattary – Valerıı Kotovıch, Erlan Nyǵmatýlın, Vladımır Nehoroshev jáne Bolat Qonarbaı. Bastamashy depýtat­tar­dyń málimdeýinshe, munaı tasy­mal­daý kompanııalarynyń magıstral­dyq munaı qubyrjoldarynyń kúzetin kúsheıtý sharalary qolda­nyl­ǵanyna qaramastan, jaǵdaı nasharlaı túsýde. Qolda bar máli­metterge qaraǵanda, munaıdyń zańsyz aınalymy salasynda turaqty uıymdasqan qylmystyq toptar qalyptasqan. Olardyń ótkizý arnalary, suǵyna qosylýdy jáne ony búrkemeleýdi júzege asyratyn, munaıdy aǵyzý (quıý) jáne ony avtomobıl kóligimen tasymaldaý jónindegi mamandary bar. Osyǵan baılanysty zań jo­basynda munaıdy zańsyz tasy­maldaý, satyp alý, ótkizý, saqtaý, qaıta óńdeý úshin ákimshilik jáne qylmystyq jaýapkershilik belgi­leý, sondaı-aq munaı-gaz qubyr joldarynan munaıdy urlaǵany, qyl­mystyq jolmen alynǵan mu­naı­dy satyp alǵany jáne ótkizgeni úshin qylmystyq jaýapkershilikti qatańdatý usynylyp otyr. Zań jobasyn qabyldaý munaı ónimderin qaýipsiz tasymaldaýǵa jaǵdaı jasaýǵa jáne Qazaqstannyń munaı berýshi retindegi turaqty bedelin saqtaýǵa múmkindik beredi, sondaı-aq ol elimizdiń ekologııalyq salaýatyna yqpal etedi. Palata depýtattary bul zań jobasyn ekinshi oqylymda maquldaý jóninde ortaq sheshimge keldi. saýaldaryn joldady. Jaqsybaı SAMRAT.