Atap aıtqanda, álemniń boks derjavasy sanalatyn Kýba, sondaı-aq Úndistan, Japonııa, О́zbekstan jáne taǵy basqa da alys-jaqynnan keletin elderdiń bylǵary qolǵap sheberleri bar. Al bul jarysta Qaırat Sátjanov bastaǵan Qazaqstan quramasy sapynan 40-qa jýyq boksshy óner kórsetedi. Olardyń arasynda Olımpıada júldegerleri, álem jáne Azııa birinshilikteriniń jeńimpazy men júldegerleri bar. Máselen, elorda sharshy alańynda el namysyn Sáken Bıbosynov, Temirtas Júsipov, Serik Temirjanov, Aslanbek Shymbergenov, Aıbek jáne Nurbek Oralbaı, Mahmud Sabyrhan sekildi boksshylar qorǵamaq.
Qazirgi tańda Qazaqstan quramasy Nur-Sultanda Japonııa jáne Qyrǵyz Respýblıkasynyń tańdaýly boksshylarymen birlesken oqý-jattyǵý jıynyn ótkizip, sheberlikterin shyńdap jatyr. Báseke qorytyndysy boıynsha úzdik shyqqan boksshylar bıyl kúzde ótetin bokstan Azııa chempıonatyna qatysady.
