Aýyl sharýashylyǵy mınıstrligi aqtóbelik agrarshylarǵa ıtalıandyq shegirtkeniń basyp kirý múmkindigi baryn jetkizdi. Ásirese, Áıteke bı aýdanyndaǵy egistikter zardap shegýi múmkin. Aýmaqqa jándikter tóndiretin qaýip pen shyǵyndardy azaıtý úshin mamandar jiberildi.
«Eń úlken qaýip – Aqtóbe oblysynda. Bizdiń barlyq nazarymyz osy aımaqta. Onda shtab jınalysyn ótkizdik, tehnıkanyń daıyndyǵyn tekserdik. Respýblıka boıynsha biz ıtalıandyq shegirtkeden 760 myń gektar alqapty óńdeımiz. Al bir ǵana Áıteke bı aýdanynda 211 myń gektar jerde úlken jumys kútip tur», dedi Agroónerkásiptik keshendegi memlekettik ınspeksııa komıtetiniń tóraǵasy Almabek Mars.
Shegirtkelerdiń taralý aımaǵy eki ese azaıǵanyna qaramastan, qaýip búkil el boıynsha saqtalady.
Qazir asa qaýipti zııankester tiziminde jándiktiń 12 túri bar. Olardyń arasynda Kolorado qońyzy, qyryqqabat kóbelegi jáne shalǵyndy kóbelek bar.
Zııankesterdi joıýǵa 2 mlrd teńge baǵyttalady. Vedomstvo zııandy jándikterdiń ushýyn boldyrmaý úshin Qytaı, Reseı jáne О́zbekstannyń shekaralas aımaqtarynyń mamandarymen birlesken is-shara ótkizgenderin málimdedi.
