23 maýsym – Qazaqstan polısııasynyń kúni retinde atalyp ótip kele jatqanyna 15 jyl tolyp otyr. 2007 jyly osy kún Qazaqstanda Polısııa kúni retinde bekitilgen. Sebebi, 1992 jylǵy 23 maýsymda Qazaqstan Joǵarǵy Keńesi «Qazaqstan Respýblıkasy ishki ister organdary týraly» Zań qabyldaǵan edi. Bul kúni ishki ister sapyndaǵy polısııa qyzmetkerlerine qurmet kórsetilip, tabysty jumysymen kózge túskender marapattalady.
Prezıdent Qasym-Jomart Toqaevtyń tapsyrmasy boıynsha Qazaqstan polısııasy servıstik modelge kóshý reformasyn bastan ótkerip jatyr. Naqtyraq aıtsaq, ýchaskelik polısııa ınspektorynyń jańa beınesin qalyptastyrý baǵytynda keshendi sharalar qabyldanýda. Ákimshilik jaza qoldaný týraly qaýlynyń mártebesi zańdy túrde artyp, ókiletteri keńeıtildi. Polısııa ókilderiniń jumys formasy da ózgerip, burynǵy qatań tártiptegi kıimniń ornyna qımylǵa ońtaıly, yqsham stıldegi formalar engizilýde.
