«Pravo» QQ Ishki ister mınıstrligi Kóliktegi polısııa departamentimen yntymaqtastyq aıasynda «Nurly jol» vokzalynyń aýmaǵynda «Myqty otbasy esirtkiden alshaq» aksııasyn ótkizdi.
«Bizde nashaqorlyqqa jáne esirtki zattaryna qarsy kúres boıynsha jyl saıyn aksııa ótedi. Osy aksııa búgin fleshmob retinde uıymdastyryldy. Basty maqsaty – qoǵamdy biriktirý, salaýatty ómir saltyn nasıhattaý, sol sııaqty jasóspirimderdiń densaýlyǵyn saqtaýǵa baǵyttalǵan», deıdi Nur-Sultan qalasy PD Esirtki qylmysyna qarsy is-qımyl basqarmasynyń bastyǵy Farabı Elýbaev.
Jıyn barysynda «Berik otbasy ‒ esirtkiden alshaq» uranymen túrli jarystar ótkizildi. Oǵan temirjol vokzalynyń qaýipsizdigin jáne jumysyn qamtamasyz etýge jaýapty kóliktik polısııa, prokýratýra, jergilikti polısııa qyzmeti qyzmetkerleriniń otbasylary qatysty. Sol sııaqty kolledjder stýdentteriniń uıymdastyrýymen merekelik konsert ótti.
«Búgin «Esirtkige jol joq» aksııasyna belsene aralastyq. Osy arqyly óskeleń urpaqty salaýatty ómir saltyn saqtaýǵa, sportpen shuǵyldanýǵa shaqyrdyq. Esirtkiniń adam densaýlyǵy úshin zııanyn túsindirdik», deıdi №15 qalalyq emhananyń dárigeri Gıýzel Eginbaı.
Aıta keteıik, 26 maýsymda dúnıejúzi boıynsha mańyzy bar mereke ‒ Halyqaralyq nashaqorlyqqa jáne esirtkiniń zańsyz aınalymyna qarsy kúres kúni atap ótiledi.
