23 maýsymda Olımpıadalyq qozǵalysty nasıhattaý jáne búkil álemde sportty tanymal etý maqsatynda Halyqaralyq Olımpıada kúni atalyp ótedi.
Qazaqstan Ulttyq Olımpıadalyq komıteti álemde ótip jatqan aksııanyń belsendi qatysýshysy. Aıtýly data elimizde osymen 29-shy ret merekelenip otyr. Bul joly Halyqaralyq Olımpıada kúni Qazaqstan Prezıdenti Qasym-Jomart Toqaev jarııalaǵan Balalar jyly aıasynda atalyp ótti.
Elorda turǵyndary men qonaqtary estafetalyq jarystarǵa qatysyp, ústel tennısin oınap, 3h3 basketbol, tekbol sııaqty jańa sport túrlerinen baqtaryn synap, qazaqstandyq breık-dansshylardyń ónerin tamashalady. Sondaı-aq, ártúrli jastaǵy balalar arasyndaǵy dzıýdo men taekvondodan kórsetilim jekpe-jekteri uıymdastyryldy.
Jas qatysýshylar úshin sheberlik sabaqtaryn Ulttyq qurama músheleri men Qazaqstannyń ataqty sportshylary 2012 jylǵy London Olımpıadasynyń chempıony, boksshy Serik Sápıev, áıelder kúresinen úsh dúrkin Olımpıada júldegeri Gúzel Manıýrova, 2022 jylǵy Beıjiń Olımpıadasynda Qazaqstan quramasynyń kapıtany, short-trekshi Abzal Ájǵalıev, bokstan 2016 jylǵy Olımpıadanyń kúmis júldegeri Vasılıı Levıt, bokstan álem jáne Azııa chempıony Mereı Aqshalov, boksshy ári Olımpıada jeńimpazy Qanat Ábýtálipov jáne kúresten 2022 jylǵy Azııa chempıony Mádına Baqbergenova ótkizdi.
«Ulttyq Olımpıadalyq komıteti barshańyzdy Halyqaralyq Olımpıada kúnimen quttyqtaıdy! Bul joly biz bul merekeni barynsha qyzyqty ári este qalarlyqtaı etip ótkizýge tyrystyq. Ásirese bizdiń jas sportshylarymyz úshin qyzyqty boldy dep oılaımyn. Balalardyń olımpıadalyq sport túrlerine degen qyzyǵýshylyqtary artyp, qazaqstandyq chempıondarmen kezdeskisi keletinin kórgende erekshe áserde bolasyń. Jalyndaǵan jastarmen kez kelgen sharaǵa qatysyp, bolashaq chempıondarmen árqashan birge bolyp, ortasynan tabylǵanyma qýanyshtymyn. Qazaqstannyń jas sportshylary bizden kúshti jáne myqty bolýy úshin bárin isteýimiz kerek dep oılaımyn», dedi Serik Sápıev.
Jas sportshylar olımpıadalyq sport túrleri taqyrybyndaǵy vıktorınaǵa, sondaı-aq «Kóńildi starttar» estafetasyna qatysty. Barlyǵy derlik sportta óz bilimi men sheberligin kórsetip, QR Ulttyq Olımpıadalyq komıtetiniń baǵaly syılyqtaryn utyp aldy.
Merekelik baǵdarlama sońynda jaqynda Fransııada ótken mektep oqýshylary arasyndaǵy Dúnıejúzilik Gımnazıadanyń jeńimpazdary men júldegerleri marapattaldy. Qatysýshylarǵa estelik syılyqtar men QR UOK dıplomdaryn qazaqstandyq Olımpıada chempıondary men júldegerleri saltanatty túrde tabys etti.
Sport merekesin uıymdastyrýǵa QR UOK seriktesteri Nur-Sultan qalasynyń ákimdigi men Ulttyq sporttyq federasııalary atsalysty.
Sondaı-aq, 2022 jylǵy Olımpıada kúnin uıymdastyrýda Qazaqstannyń UOK seriktesteri Týrızm jáne sport salasyn qoldaý qory «Sport Qory» men Toyota Motors eń belsendi qatysýshylardy arnaıy syılyqtarmen marapattady.
