«Osydan alty apta buryn DDU Ulybrıtanııada maımyl sheshegi aýrýynyń úsh jaǵdaıy týraly habarlama aldy. Sodan beri bizge aýrýdyń rastalǵan 3200-den astam jaǵdaıy jáne 48 elden bir ólim jaǵdaıy týraly habarlamalar kelip tústi», dedi DDU bas dırektory Tedros Adan Gebreııýs.
DDU basshysynyń aıtýynsha, jaqynda zardap shekken elderde aýrý jaǵdaılary negizinen er adamdar arasynda kezdesedi.
Alaıda, ol ınfeksııanyń juqtyrǵan adamnan kez-kelgen adamǵa berilýi de jalǵasyp jatqanyn atap ótti.
Osyǵan baılanysty DDU basshysy Nıgerııada maımyl sheshegi aýrýynyń taralý mehanızmin zertteýge shaqyrdy, onda juqtyrǵan áıelderdiń úlesi basqa elderge qaraǵanda áldeqaıda joǵary.
Maımyl sheshegi - adamdar arasynda taralatyn sırek kezdesetin vırýstyq ınfeksııa. Naýqastardyń kópshiligi birneshe apta ishinde qalpyna keledi, biraq keıbireýlerinde asqynýlar bolýy múmkin.
Maımyl shesheginiń alǵashqy belgilerine qyzba, bas aýrýy, bulshyqet aýrýy, arqadaǵy aýyrsyný, lımfa túıinderiniń ulǵaıýy, qaltyraý jatady. Bórtpe paıda bolýy múmkin, kóbinese betten bastalyp, sodan keıin deneniń basqa bólikterine de taralady. Bórtpe ózgerip, qyshyma paıda bolǵanǵa deıin ártúrli satylardan ótip, keıinirek joǵalady.
