Oblystyq TJ departamentiniń málimdeýinshe, 23 maýsym kúni saǵat 15:52-de Pavlodar oblysy «112» pýltine Baıanaýyl aýdany Toraıǵyr aýylynda Toraıǵyr kólinde jabdyqtalmaǵan jerde er adamdardyń sýǵa batyp ketkeni týraly habarlama kelip túsken.
«2008 jyly týǵan qyz bala men 2013 jyly týǵan ul balany qutqarý kezinde Qaraǵandy oblysynda turatyn 1978 jáne 1986 jyly týǵan eki er adam sýǵa batyp ketti. Balalardy jedel medısınalyq járdemmen Baıanaýyl aýdandyq aýrýhanasyna jetkizdi, jaǵdaıy turaqty, esinen tanyp qalmaǵan», dedi departamentte.
Er adamdardyń denesin tabýǵa Ekibastuz qalasynyń qutqarýshy-súńgýirleri súńgýir jabdyǵymen izdeýge shyqqan. Izdeýge saǵat 19:00-de shyǵyp, saǵat 19-39-da deneleri shyǵaryldy.
Oqıǵa ornynda Pavlodar oblysy TJD 4 qutqarýshy, 1 tehnıka birligi jáne 1 júzý quraly,«102»,«103» qyzmetteri jumyldyryldy.
Aıana Toǵanbek
