BQO Polısııa departamenti baspasóz qyzmeti málimetinshe, jol apaty 23 maýsymda saǵat 1:50-de Jánibek-Talov tasjolynyń 25-shaqyrymynda, Taý aýylynyń mańynda bolǵan.
«Volkswagen Polo júrgizýshisi róldi basqara almaı, kólik shuńqyrǵa qulap ketti. Salonda bir adam bolǵan. Ol alǵan jaraqattarynan oqıǵa ornynda qaza tapty. Marqumnyń denesi sot-medısınalyq saraptamaǵa jiberildi», dedi vedomstvo ókili.
Marqum Taý aýyldyq okrýginiń ákimi bolyp jumys istegen. 34 jastaǵy Nurlybek Tóreshovtiń artynda áıeli men tórt balasy qaldy.
Oqıǵaǵa qatysty QR Qylmystyq kodeksiniń 345-baby 3-bóligi «Jol qozǵalysy erejelerin buzý» boıynsha sotaldy tergeý júrgizilip jatyr.
