Energyprom.kz derekterine sáıkes, 2022 jyldyń qańtar-mamyr aralyǵynda 197,3 myń tonna kúnbaǵys maıy óndirilgen. Bul ótken jylǵa qaraǵanda 29,6%-ǵa kóp. Al tazartylmaǵan kúnbaǵys maıynyń óndirisi bir jyl burynǵy kórsetkishten 61,3%-ǵa artyq bolsa, tazartylǵan ónimniń óndirisi byltyrǵydan 6,9%-ǵa az.
«Tazartylmaı satylatyn kúnbaǵys maıynyń 78%-yn Shyǵys Qazaqstan óńiri berip tur. Al tazartylǵan kúnbaǵys maıynyń 78%-yn Shyǵys Qazaqstan oblysy (28,7 myń tonna) men Shymkent qalasy (22,6 myń tonna) bergen. Aýyl sharýashylyǵy mınıstrligi Qazaqstan aýmaǵynan kúnbaǵys maıyn alyp shyǵýǵa 31 tamyzǵa deıin shekteý qoıdy. Sol arqyly sektordaǵy baǵany turaqtandyryp, tapshylyqtyń aldyn almaqshy. Maýsym-shilde aılarynda kúnbaǵys maıyn shyǵarý kvotasy 68 myń tonna bolyp bekitildi», dep jazady Energyprom.kz sarapshylary.
Otandyq óndirýshiler 2022 jyldyń aqpan-sáýir aılarynda kúnbaǵysqa degen suranysty 83,5%-ǵa oryndaǵan. О́ndiris kólemi byltyrǵydan 16,9% artyq. О́ndirilgen 149,1 myń tonna maıdyń 66,3 myń tonnasy syrtqa satylǵan. Bul byltyrǵydan 71,3% kóp. Al ishki naryqta kúnbaǵys maıynyń satylymy 0,6%-ǵa ǵana artqan.
