HII Eýrazııalyq medıaforýmda AQSh-Iran qatynasy qyzý talqylandy

ASTANA. 25 sáýir. Osymen 12-ret ótkizilip otyrǵan Eýrazııalyq medıaforýmda álemdi tolǵantqan kúrdeli máseleler talqylanýda. Sonyń ishinde AQSh-Iran qarym-qatynasy keń aýqymda sóz boldy. Bul týraly «Qazaqstan» ulttyq arnasy habarlady. Jıynda AQSh-Iran araqatynasyna baılanysty túrli pikirler aıtyldy. Iran syrtqy ister mınıstriniń keńesshisi Seıd Muhammed Kazım Sadjapýr: «Iran ıadrolyq baǵdarlamasyn búkilálemdik másele dep kórsetý durys emes. Iran máselesiniń tym saıasılanyp ketkeni sonshalyqty, bul mıllıondaǵan adamdardyń ómirine keri áser etýde. AQSh Iranǵa qarsy áskerı kúsh kórsetse, árıne, Iran tıisinshe jaýap qaıtarýǵa ázir. О́zgeler bizdiń osy máselege qatysty oıymyzben sanasqany jón», – dedi. Al Izraıldiń burynǵy premer-mınıstri Ehýd Barak: «Eger Iran ıadrolyq derjavaǵa aınalsa, onda Taıaý Shyǵys elderine ǵana emes, álemge qaýip tóndiredi. Men Izraıl qarýly kúshterin 7 jyl basqardym. Iranmen túsinisý úshin kelissózder júrgizdim. Meniń paıymdaýymsha, ırandyqtar túrli áreketterdiń jetegine erip, atom energetıkasyn damytý boıynsha álsizdik tanytyp otyr», – dedi. Esterińizge sala keteıik, bul alqaly jıynǵa álemniń 60 elinen kelgen 700 delegat qatysýda. Joldybaı Bazar. Derekkóz:  «Qazaqstan» ulttyq arnasy. Foto: egemen.kz.