О́zbekstannyń bas gazeti sanalatyn «Halyq sóziniń» 2022 jylǵy 25 maýsymdaǵy №133 nómirinde «О́zbekstan Respýblıkasynyń Konstıtýsııasyna ózgerister men tolyqtyrýlar engizý týraly» О́zbekstan Respýblıkasynyń Konstıtýsııalyq zańynyń jobasy jalpyhalyqtyq talqylaýǵa shyǵaryldy.
Eldiń qazirgi Konstıtýsııasynyń 90-babyna sáıkes, prezıdenttiń ókilettik merzimi 5 jyl. Ári bir adam 2 retten artyq bul laýazymǵa saılana almaıdy. Referendýmda talqyǵa usynylǵan zań jobasy qabyldansa, prezıdenttiń merzimi 7 jylǵa uzartylady.
Atap aıtqanda, «90-baptyń ekinshi bóligindegi «bes» degen sóz «jeti» degen sózben aýystyrylsyn», delingen qujatta.
Eldiń qazirgi Konstıtýsııasy 128 baptan turady. Referendýmǵa usynylǵan zań jobasy boıynsha sonyń 64-ine ózgertýler men tolyqtyrýlar engizilip, 6 jańa bap qosylmaq.
«Parlament ázirlegen jobany jalpyhalyqtyq talqylaýda qarastyryp, ony referendým arqyly qabyldaýdy usynamyn», degen edi Shavkat Mırzıeev.
