Baspasóz máslıhatynda aımaq basshysy óńirde halyqty sapaly medısınalyq qyzmetpen qamtamasyz etý boıynsha qolǵa alynǵan jumystarǵa toqtaldy.
«О́ńirde densaýlyq saqtaý nysandarynyń materıaldyq-tehnıkalyq bazasy jaqsaryp keledi. Onyń ishinde 2,2 mlrd teńgege 150 medısınalyq tehnıka satyp alyndy. Bıyl «reanımasııa», «hırýrgııa», «oftalmologııa» beıinderin jabdyqtaý úshin 32 medısınalyq jabdyq satyp alý josparlanǵan. Budan bólek, Kókshetaý qalasynda memlekettik-jekemenshik áriptestik aıasynda 630 oryndyq zamanaýı kópbeıindi aýrýhana salynady. Bul joba óńir úshin óte mańyzdy. Qazir daıyndyq sharalary júrip jatyr, Saryarqa shaǵynaýdanynda aýrýhana qurylysy úshin 17 gektar jer telimi bólindi», dedi Ermek Marjyqpaev.
Aımaq basshysy atap ótkendeı, bıyl Qosshy qalasynda 100 kelýshige arnalǵan emhana qurylysy jáne Qoıandy aýylyna 50 kelýshige arnalǵan alǵashqy medısınalyq-sanıtarlyq kómek ortalyǵynyń qurylysy aıaqtalmaqshy.
Aıana Toǵanbek
