Osylaısha 2020 jyldan beri alǵash ret qazaqstandyq «Air Astana» áýe kompanııasy 1 shildeden bastap juma kúnderi aptasyna 1 reıs jıiligimen Almaty – Chendý baǵyty boıynsha turaqty jolaýshylar reısin jańartady.
Sondaı-aq 7 shildeden bastap juma kúnderi qosymsha reıs qosylady. Reıster Boeing-767 jáne A321 NEO tıpti áýe kemelerinde oryndalady.
О́z kezeginde, QHR tarapynan «China Southern Airlines» qytaılyq áýe kompanııasy 1 shildeden bastap juma kúnderi aptasyna 1 reıs jıiligimen Almaty – Úrimshi baǵyty boıynsha turaqty jolaýshylar áýe reısterin jańartýdy josparlap otyr.
Reıster Boeing-737 jáne Boeing-787 áýe kemelerinde oryndalady. Qazaqstan men Qytaı arasyndaǵy áýe qatynasyn qalpyna keltirý eki dostas el arasyndaǵy saýda-ekonomıkalyq, ınvestısııalyq, týrıstik jáne mádenı yntymaqtastyqty damytýdy jedeldetýge múmkindik beredi, sondaı-aq QHR azamattary úshin engizýge josparlanǵan 14 kúndik vızasyz rejımdi tolyq paıdalanýǵa yqpal etedi.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııalardyń saıtynda jarııalanǵan kestemen oryndaý josparlanǵanyn atap ótken jón.
Bıletter áýe kompanııalardyń resmı saıtynda satylyp jatyr.
