Bul joba ázirge Nur-Sultan, Almaty jáne Shymkent qalalarynda engizildi. Elektrondy sıfrly qoltańbasy nemese ınternetke qoljetimdiligi joq klıent sol jerde oflaın rejimde jyljymaıtyn múlik boıynsha mámile jasaı alady. Bul jańa joba azamattardyń ýaqytyn ǵana emes, qarjysyn da únemdeıdi. Sebebi HQO arqyly kórsetiletin qyzmet quny 7 100 teńgeni quraıdy, al notarıýstarda bul 6 ese qymbat.
2022 jyldyń sońyna deıin bul jobany engizetin qurylys kompanııalarynyń tizimin keńeıtý josparlanyp otyr. Esterińizge sala keteıik, osydan bir apta buryn «Azamattarǵa arnalǵan úkimet» memlekettik korporasııasy «Otbasy bank» AQ-men («Báıterek» holdınginiń enshiles uıymy) birlesip, Blockchain tehnologııasy arqyly turǵyn úıdi jalǵa berý shartyn onlaın resimdeý jobasyn iske qosqan bolatyn.
Eger buryn klıentter tizimdegi qujattardy jınap, ony ákimdikke ótkizgen soń taǵy 15 jumys kúninde kútetin. Al jańa qyzmettiń nátıjesinde búkil prosess 2 saǵattaı ǵana ýaqyt alady. «Azamattarǵa arnalǵan úkimet» memlekettik korporasııasy memlekettik qyzmet kórsetý boıynsha biryńǵaı provaıder bolyp tabylady. Ol tórt negizgi baǵyt boıynsha – halyqqa qyzmet kórsetý, áleýmettik qamsyzdandyrý, jer kadastry, jyljymaıtyn múlik boıynsha barlyq memlekettik qyzmetterdiń 95,9% kórsetedi.
