Shyǵys Qazaqstan oblysynyń polıseıleri tıisti qujattarsyz kóp mólsherde balyq tasymaldaǵan er adamdy ustady.
Maýsym aıynyń ortasynda patrýldik polısııa qyzmetkerleri patrýldeý kezinde respýblıkalyq mańyzy bar Omby-Maıqapshaǵaı avtojolynda, Kókpekti aýylyna kireberiste Toyota avtokóligin toqtatqan.
Tekserý barysynda Tarbaǵataı aýdanynyń turǵyny – 32 jastaǵy júrgizýshiniń ruqsat qujatynsyz 745 keliden astam balyq, onyń ishinde 713, 85 keli kókserke, alty kılogramnan astam shortan jáne 20 kılogramnan astam móńke balyǵyn tasymaldaǵany anyqtaldy.
Atalǵan fakti boıynsha Tarbaǵataı aýdanynyń 32 jastaǵy turǵynyna qatysty QR QK 335-baby 1-bóligi boıynsha sotqa deıingi tergeý bastaldy.
Aıta ketý kerek, bul Omby-Maıqanshaǵaı tas jolynda balyqty zańsyz tasymaldaǵan alǵashqy jaǵdaı emes. Osyǵan baılanysty ShQO Polısııa departamenti Balyq resýrstaryn, basqa da sý janýarlaryn nemese ósimdikterdi zańsyz aýlaǵany úshin 5 jylǵa deıin bas bostandyǵynan aıyrý jazasy qarastyrylǵanyn eskertedi.
Aıana Toǵanbek
