Múmkindigi shekteýli balalarǵa qamqorlyq kórsetiledi

Otyrysqa Májilis depýtattary, mınıstrlikterdiń jaýapty qyzmetkerleri jáne respýblıkanyń qoǵamdyq birlestikteriniń ókilderi qatysty. Otyrystyń kún tártibindegi másele boıynsha sóz sóıleýshiler memleket­tiń basty mindetteriniń biri múgedektigi bar adamdar­­dyń áleýmettik yqpaldasýyn, teń quqyqtary men múm­kindikteriniń bolýyn qam­tamasyz etý bolyp tabylatynyn atap ótti. Eli­mizde múmkindigi shek­teýli adamdardy, sonyń ishinde balalardy qorǵaý jóninde zańnamalyq negiz, normatıvtik aktiler bar. Bul mańyzdy máselede mem­lekettik organdar, jurt­shylyq, úkimettik emes uıym­dar birlese jumys at­qarýda. Múgedektigi bar bala­larǵa, múgedek balasy bar otbasylarǵa tıisti kómek kórsetilip jatqanyn jáne bolashaqta járdem etý qajettigi týraly aıtyldy.

Otyrys qorytyndysy boıynsha Qazaqstan Respýb­lıkasynyń Úkimetine dóń­gelek ústelde kóterilgen Qazaq­­standaǵy múgedek bala­lardyń quqyqtaryn qor­ǵaý problemalaryna qatys­ty máseleler boıynsha usy­nymdar joldandy.