– Jambyl aqynnyń shyǵarmashylyǵynyń 75 jyldyǵyna oraı 92 jasynda 12 bólmeli úı berilgen edi. Atamyz ómirden ótkenge deıin sol úıde turdy. О́mirden ótkenine eki jyldan soń sol úı Jambyl mýzeıine aınaldy. Atyraý jurtshylyǵynyń nazaryna usynylǵan kórmege aqyn atamyzdyń paıdalanǵan jeke buıymdaryn, dombyrasy men kıgen shapanyn, otbasylyq sýretterdi, ózge de qundy jádigerlerdi ákeldik. Úsh kún boıy atyraýlyq aǵaıynǵa Jambyl aqynnyń ómiri men shyǵarmashylyǵynan mol maǵlumat usyndyq, – deıdi aqynnyń nemeresi Saltanat Jambylova.
Onyń aıtýynsha, aqynnyń ádebı memorıaldyq mýzeıi Almaty oblysynyń Jambyl aýdanyndaǵy Jambyl aýylynda ornalasqan. Al Atyraýdaǵy kórmege qoıylǵan kóne jádigerdiń biri – Jambyl aqynnyń jas kezinde ustaǵan dombyrasy. Ulttyq aspaptyń shegi eshkiniń isheginen jasalǵan.
– Qazir aqynnyń urpaqtary Almaty oblysynda turady. Nemereleriniń biri – men Jambyl atyndaǵy ádebı-memorıaldy mýzeıiniń dırektory bolsam, shóberesiniń biri osy mýzeıde qor saqtaýshysy bolyp jumys isteıdi. Biz úshin atamyzdyń eń qundy jádigeri – dombyrasy men shyǵarmashylyǵy. Atamyz dombyrasyn qolynan tastamaı, qazaqtyń ulttyq aspaby retinde qadir tutty, – deıdi Saltanat Jambylova.
Qazaqstan Jazýshylar odaǵy Atyraý oblystyq fılıalynyń dırektory Qoıshyǵul Jylqyshıevtiń pikirinshe, Jambyl aqyn qazaqtyń ulttyq óneri – aıtysty keıingi urpaqqa jetkizip, keńinen nasıhattaýǵa mol úles qosty. Sol sebepten aqynnyń shyǵarmashylyǵy áli de san qyrynan zerttelýi kerek.
Atyraý oblysy
