Kollajdy jasaǵan Qonysbaı ShEJIMBAI, «EQ»
Elimizde jyl basynda KVI aýrýshańdyǵynyń shamaly ósýi baıqalǵan, alaıda sońǵy aptada aldyńǵy aptamen salystyrǵanda aýrýshańdyq 3,6 esege – 127-den 457 jaǵdaıǵa deıin ósken. Aıta ketý kerek, COVID-19 aýrýynyń ósýi basqa elderde de baıqalady. Máselen, álemdegi koronavırýs ınfeksııasy boıynsha statıstıka derekteriniń málimetinshe, sońǵy 7 kúnde syrqattaný 15%-ǵa, ólim-jitim 3%-ǵa artqan. Tósek oryndardyń qamtylýy 5%-dy quraıdy, rezervte 22 myńnan astam oryn bar.
Elimizde sońǵy aptada 457 jaǵdaıdyń 391-i nemese 85 %-y Almaty jáne Nur-Sultan qalalaryna tıesili. Vaksına alý mártebesin taldaý kezinde azamattardyń 80 %-y KVI-ge qarsy vaksına almaǵan jáne vaksınadan keıin 6 aıdan astam ýaqyt ótken adamdar ekeni anyqtaldy.
Mamandardyń sózine súıensek, vaksına KVI ınfeksııasynan qorǵaýdyń jáne ujymdyq ımmýnıtetti qalyptastyrýdyń jalǵyz tıimdi sharasy ekenin kórsetedi. Esterińizge sala keteıik, COVID-19-ǵa qarsy vaksına salý naýqany jalǵasýda. Sońǵy derekter boıynsha vaksınamen qamtý – 80,2%-dy, ekinshi komponentpen qamtý 78,0%-dy qurady. Revaksınany tıisti halyqtyń 67,4%-y aldy. Qaıta vaksınany 170 myń adam nemese tıisti kontıngenttiń 50,6%-y aldy. Qazirgi ýaqytta táýligine 20-21 myń ekpe jasalady. Osy baǵyttaǵy jumystar jalǵasýda. Aıta ketý kerek, mamyr aıynda koronavırýs shtamdaryn retke keltirý kezinde «Omıkron» nusqalarynyń 99%-y anyqtaldy, onyń 27%-y «Stella-Omıkron» jáne maýsym aıynda júrgizilgen PTR-skrınıng barysynda Almaty qalasynda «Stella-Omıkron» nusqasynyń 78%-y anyqtaldy. Qazirgi ýaqytta anyqtalǵan shtammdardy odan ári zertteý úshin júıelendirý júrgizilýde, nátıjeler boıynsha jumys jalǵasýda. Jalpy, respýblıkada koronavırýs ınfeksııasyna qarsy úsh vaksına bar, barlyǵy – 2,3 mln doza. KVI boıynsha turaqty epıdemııalyq jaǵdaıdy qoldaý maqsatynda, ásirese KVI aýrýy boıynsha joǵary táýekel tobyna kiretin adamdarǵa revaksınadan ótý usynylady.
Premer-Mınıstrdiń orynbasary Eraly Toǵjanovtyń tóraǵalyǵymen ótken Qazaqstan Respýblıkasynyń aýmaǵynda koronavırýs ınfeksııasy taralýynyń aldyn alý jónindegi vedomstvoaralyq komıssııanyń otyrysynda vıse-premer naýqastar sany artyp kele jatqanyn jetkizgen edi.
«Ázirge eń mańyzdy másele – vaksınalaý. Naýqastar sany ósken jaǵdaıda maska taǵý rejimine qaıta oralýymyz múmkin. Qazir táýligine 100 adamǵa deıin naýqastar sany artyp keledi. Karantın sharalaryn kúsheıtý máselesi vedomstvoaralyq komıssııanyń otyrysynda qaralady. Maska taǵý jóninde ǵana emes, jalpy sharalar boıynsha», dedi vıse-premer.
Densaýlyq saqtaý mınıstri Ajar Ǵınııat elimizde maýsym aıynyń ortasynan bastap koronavırýs ınfeksııasyn juqtyrǵandar sanynyń artqanyn atap ótti. Máselen, ótken aptamen salystyrǵanda juqtyrý jaǵdaılary 2,9 ese artqan, naýqastardyń 80%-yna jýyǵy – indetke qarsy ekpe almaǵandar jáne sońǵy ekpeden keıin 6 aı ótip ketken adamdar. Eldegi COVID-19 kórsetkishteriniń artýyn eskere otyryp, Qazaqstan aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııa óńirler epıdemııalyq qaýip-qaterdiń sary aımaǵyna kóshken jaǵdaıda tómendegi qosymsha sharalardy qabyldaý kerektigi týraly sheshim qabyldady. Olar naýqaspen tyǵyz qarym-qatynasta bolǵandardy qashyqtan jumys jasaý formatyna kóshirý, COVID-19-ǵa qarsy ekpe saldyrýǵa bolmaıtyn qyzmetkerler men júkti áıelderdi qashyqtan jumys isteý formatyna aýystyrý, jabyq jerler men qoǵamdyq kólikte mindetti túrde maska taǵý, 10-nan asa adam qatysatyn jınalystardy onlaın formatta ótkizýdi usyný. Sondaı-aq aımaqtyń epıdemııalyq ahýalyna qaramastan, áýede, TJ kólikteri men halyqaralyq avtobýstarda maska taǵý usynylady.
Densaýlyq saqtaý mınıstri ınfeksııanyń taralýynyń ósýine qaramastan, «Respýblıka boıynsha jaǵdaı synı emes» dep sanaıdy.
«Biz «jasyl aımaqta» turmyz, syrqattanýshylyqtyń ósýine qaramastan, tósekterdiń qamtylýy nebári 6%-dy quraıdy. Epıdemııalyq jaǵdaı matrısasyna sáıkes sharalar qabyldanýda. Búgingi tańda elimiz «jasyl» aımaqta ornalasqan, sondyqtan qosymsha sharalar qabyldaýdyń qajeti joq. Sebebi qorqatyndaı, alańdaıtyndaı oqıǵa tirkelmedi», dedi A.Ǵınııat.
Ol sondaı-aq pasıentterdiń vaksına alý mártebesin taldaý kezinde 80%-ǵa jýyǵy KVI-ge qarsy vaksına almaǵan adamdar jáne vaksınalaý men revaksınalaýdan keıin 6 aıdan astam ýaqyt ótkeni anyqtalǵanyn atap ótti.
«Usynylǵan derekter óńirlerdiń halyqty KVI-ge qarsy vaksınalaý jáne revaksınalaý boıynsha jetkiliksiz jumys atqarǵanyn kórsetedi. Álemde jáne bizde syrqattanýshylyqtyń birtindep ósýi, bul sózsiz ujymdyq ımmýnıtettiń álsireýine ákeledi. Osyǵan baılanysty óńirlerge tıisti halyqty qaıta vaksınalaý boıynsha jumysty kúsheıtýdi tapsyrýdy suraımyn», dep atap ótti ol.
Atalǵan mınıstrliktiń 2022 jylǵy 3 shildedegi málimeti boıynsha Qazaqstanda I komponentpen 9 526 392 adam vaksına saldyrdy, II komponentpen
9 311 204 adam qamtyldy. Revaksınalanǵandar sany – 4 817 836 adam. Al 1 069 adam koronavırýs ınfeksııasynan emdelýde, olardyń ishinde 147 pasıent stasıonarda, 922 naýqas ambýlatorııalyq deńgeıde em qabyldaýda. KVI+, KVI- shaldyqqandardyń arasynda 8 adamnyń jaǵdaıy aýyr, jaǵdaıy óte aýyr nemese О́JJ apparatynda jatqandar joq.
«Aýyryp em izdegenshe, aýyrmaıtyn jol izdeýge» basa mán bergen durys sııaqty. Sebebi kúni keshe Almaty qalasy «sary» aımaqqa aýysty. Bul týraly Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń resmı ókili Erjan Baıtanaev málim etti.
«4 shildeden bastap Almaty qalasy «sary» aımaqqa ótti. Qazirgi ýaqytta qalanyń memlekettik bas sanıtar dárigeri qaýlyny daıyndaý ústinde. Qaýlyda barlyǵy jazylady. Osy oraıda biz ár azamatty koronavırýsqa qarsy vaksına alýǵa jáne revaksınasııadan ótýge shaqyramyz», dedi Erjan Baıtanaev.
Onyń aıtýynsha, búginde koronavırýsqa shaldyǵyp jatqan azamattardyń 80 paıyzy vaksına almaǵan.
«Qazaqstandyqtardy ózi men jaqyndarynyń densaýlyǵyn saqtaý maqsatynda vaksına alýdyń barlyq prosesinen ótýge shuǵyl túrde shaqyramyz. Bul prosess ujymdyq ımmýnıtetti qalyptastyra túsý úshin de mańyzdy», dedi ol. Eske sala ketsek, Qazaqstan «sary» aımaqqa ótse, Úkimet tarapynan qandaı sharalar qolǵa alynatyny habarlanǵan edi. Densaýlyq saqtaý mınıstri Ajar Ǵınııat óz sózinde elimizde maýsym aıynyń ortasynan bastap koronavırýs ınfeksııasyn juqtyrǵandar sanynyń artqanyn atap ótti. Aıta keteıik, Koronavırýsqa qarsy kúres jónindegi vedomstvoaralyq komıssııa qazirgi kezde elimizde «Qyzyl» aımaqqa jatatyn óńir joq ekenin málimdedi. «Sary» aımaqta – Almaty qalasy, «Jasyl» aımaqta – Nur-Sultan, Shymkent qalalary, Almaty, Aqtóbe, Atyraý, Aqmola, Batys Qazaqstan, Shyǵys Qazaqstan, Jambyl, Qaraǵandy, Qostanaı, Qyzylorda, Mańǵystaý, Soltústik Qazaqstan, Pavlodar, Túrkistan oblystary tur.
