Jastar jumyspen qamtyldy

Atalǵan is-sharanyń maq­saty – oqý oryndarynyń túlek­terin ózderi qalaǵan saladaǵy bos jumys oryndaryna beıim­deý jáne birneshe jumys berý­shilermen tikeleı baılanys or­natý múmkin­digine jol ashyp berý. Is-sharaǵa sonymen birge múm­kin­digi shekteýli jandar da qamtylǵan.

Baǵdarlama arqyly jumys­pen qamtylyp otyrǵan­dar­dyń deni – jastar. Eki jarym aı ishinde kompıýterlik dızaınmen qatar kameramen jumys isteýdiń qyr-syryn jete meńgergen Saıasat Beksultan marapatqa ıe bolyp, baǵdarlama ıelerine alǵysyn bildirip: «Júrgizilip otyrǵan bastama arqyly kóptegen daǵdy úırenýge múmkindik ashyldy. Kameramen jumys isteýdi úırenip, basqa da jumys túrlerimen tanys­tym. Barshańyzǵa alǵysymdy jetkizemin», dedi aǵynan jaryla.

Al qalaǵan salasy bo­ıynsha jumyspen qamtylyp, qoshemetke ıe bolǵan Altynaı esimdi qyz: «Alǵash jumysqa kiriskende esh­nárse túsine almadym. Al qa­zir kameramen beınabaıan túsi­rý­di meńgerdim. Kózimniń azdap aqaýy bolsa da, bul maǵan ke­der­gi keltirgen joq. Shav­kat myr­za­nyń kómek qolyn sozǵa­ny­na alǵy­sym­dy bildiremin. Joǵa­ry kásibı mamandardyń arqa­synda oqý kýrsyn da tez bitir­dim, óıtkeni bári qoljetimdi, jeńil ári túsinikti boldy», dep rızashylyǵyn bildirdi.