AMM alańynda bıyl da qyzyqty taqyryptar qozǵaldy, Jańa Qazaqstannyń aldynda turǵan ózekti, basym mindetter men máseleler kóterildi. Solardyń biri Kazakh invest kompanııasynyń Investment Task Force bóligi uıymdastyrǵan «Jasyl metallýrgııa – qazirde de bar» taqyrybyndaǵy ınteraktıvti paneldik sessııasy.
Sessııany júrgizgen Task Force jobalarynyń jetekshisi Baýyrjan Aıtqulov ekologııalyq taza, qaldyǵy az, qaldyqsyz tabıǵı shıkizatty óńdeý jáne óńdeý tehnologııalaryn engize otyryp, metallýrgııalyq jobalarǵa asa zor ınvestısııalardy talap etetin álemdegi ekologııalyq jaǵdaı taqyryptaryn qozǵady.
ESG sarapshysy Igor Koroteskıı jasyl metallýrgııaǵa kóshý strategııasyndaǵy jahandyq maqsattar men negizgi baǵyttar týraly aıtyp berdi. J.Ábishev atyndaǵy hımııa-metallýrgııa ınstıtýtynyń dırektory Saılaýbaı Baısanov kúli joǵary kómirdi paıdalana otyryp keshendi qorytpalar alý tájirıbesimen bólisti. Urumqi Zhonghaduo Metal kompanııasynyń quryltaıshysy Gýn Chjııýn metallýrgııadaǵy ekologııalyq-ekonomıkalyq problemalardyń sheshimderi týraly sóz qozǵady. Atap aıtqanda, Shymkent jáne Taraz qalalaryndaǵy qorǵasyn óndirisiniń qaldyqtaryn qaıta óńdeý tájirıbesimen bólisti.
Task Force jobalarynyń jetekshisi Ashat Bekenov bolashaqta metallýrgııada qoldanylatyn «jasyl» sýtegi óndirisi boıynsha ınvestısııalyq jobalardy damytý perspektıvalaryna egjeı-tegjeıli toqtaldy.
Kazakh invest ınvestısııalar tartý jónindegi ulttyq operator retinde óz qyzmeti sheńberinde ónerkásipti turaqty damytý salasynda jańa tehnologııalardy engizýge yqpal etedi.
