Báıge saıysynda Nur-Sultan, Almaty jáne Shymkent qalalary men elimizdiń barlyq oblysynan 150-den astam tańdaýly júırik baq synaıdy. Shabandozdar toǵyz shaqyrymdyq qunan báıge, 16 shaqyrymdyq kishi alaman jáne 21 shaqyrymdyq alaman báıge boıynsha synǵa túsedi. Jarystyń jalpy júlde qory – 20 mln teńge.
Sondaı-aq báıge baǵdarlamasynda «Qostanaı jylqysynyń báıgesi» atty respýblıkalyq týrnır de uıymdastyrylmaq. Bıyl úshinshi ret ótkeli jatqan jarysta Qostanaı tuqymdy jylqylar ushqyr (1,4 km, 2,4 km), qunan (7 km) jáne alaman báıge (20 km) túrleri boıynsha baqtaryn synaıdy. Báıgeniń jalpy júlde qory – 9 mln teńge.
