Aýa raıy jylynyp, sýǵa shomylý maýsymy bastalǵannan beri sýǵa batqan adamdar sany da ósip keledi. Onyń ishinde, ásirese, balalardyń qatysýymen bolǵan qaıǵyly jaǵdaılar qaıtalanyp jatyr.
«Demalys kúnderi Nur-Sultan qalasynyń Turan dańǵyly jaǵynan ózen jaǵalaýynda jasóspirim sýǵa ketip, qaza boldy. Kámelettik jasqa tolmaǵan balanyń ózen jaǵalaýyna dostarymen shomylyp júrip sýǵa batyp ketkeni anyqtaldy. Atalǵan fakti boıynsha sotqa deıingi tergep-tekserý júrgizilip jatyr», delingen habarlamada.
Nur-Sultan qalasynyń polıseıleri Tótenshe jaǵdaılar departamentiniń qyzmetkerlerimen birlesip shomylý oryndary men kommýnaldyq jaǵajaılardy patrýldeýdiń mobıldi toptaryn uıymdastyrdy. Atalǵan mobıldi top adamdardyń qaza bolýynyń aldyn alý maqsatynda, sý nysandaryna tekseris júrgizedi, azamattarǵa sýda júzý erejelerin saqtaýdy, kámeletke tolmaǵandardyń eresekterdiń qaraýynsyz sýǵa túsýine jol bermeýdi eskertedi. Elorda aýmaǵynda barlyq patrýldik avtokólikter qutqarý quraldarymen jabdyqtalǵan.
Polısııa departamenti azamattardy sý aıdyndaryndaǵy qaýipsizdik erejelerin saqtaýǵa shaqyrady. Balalardyń eresekterdiń qadaǵalaýynsyz jáne belgilenbegen oryndarda shomylýyna úzildi-kesildi tyıym salynady.
