Oblystyq polısııa departamenti baspasóz qyzmetiniń málimetinshe, 2-shi Sovetov kóshesi boıynda salynyp jatqan úıde О́zbekstannyń 8 azamaty qurylysshy retinde tıisti ruqsatsyz jumys istegen.
«Tártip buzýshylar QR ÁQBtK-niń 517-baby 5-bóligi boıynsha jaýapkershilikke tartyldy. Sondaı-aq tártip saqshylary izdeýde júrgen bes qylmyskerdi anyqtady. Máselen, izdeýde júrgen Belarýs Respýblıkasynyń azamaty - 43 jastaǵy qylmysker sol eldiń Qylmystyq kodeksiniń 174-babynyń 3-bóliginde kózdelgen qylmys jasady dep aıyptalǵan», dedi Pavlodar oblysy polısııa departamentiniń bastyǵy Vasılıı Sklıar.
Sottarǵa joldanǵan 226 ákimshilik materıaldy qaraý nátıjeleri boıynsha TMD-nyń 26 azamatyna qatysty elden shyǵaryp jiberý týraly sheshimder qabyldandy. 195 shetel azamatynyń Qazaqstan Respýblıkasynda ýaqytsha bolý merzimi qysqartyldy. Sonymen qatar, sheteldik jumys kúshin zańsyz paıdalanýdyń 32 faktisi anyqtaldy.
«Barlyq faktiler boıynsha sheteldikterdi jumysqa zańsyz jaldaǵan jumys berýshiler QR ÁQBtK-niń 519-baby boıynsha ákimshilik jaýapkershilikke tartyldy. Qabyldaý-taratý ornyna jeke basyn anyqtaý úshin bes azamat qamaýǵa alyndy», dedi Vasılıı Sklıar.
Esterińizge sala keteıik, zańsyz kóshi-qonǵa jáne adam saýdasyna qarsy is-qımyl maqsatynda 2022 jylǵy 27 maýsym - 4 shilde aralyǵynda oblys aýmaǵynda «Nelegal-2022» jedel aldyn alý is-sharasy ótti.
Shara barysynda kóshi-qon polısııasymen Qazaqstan Respýblıkasynda bolý erejelerin buzǵan 410 sheteldik anyqtalyp, ákimshilik jaýapkershilikke tartyldy. Onyń ishinde bireýi alys shetel azamaty jáne 409-y TMD elderiniń azamaty.
