Klýbtyń baspasóz qyzmeti taratqan málimet boıynsha, elorda klýby 2011 jyly Ýfanyń «Salavat Iýlaev» klýby sapynda Gagarın kýbogynda top jarǵan reseılik qorǵaýshy Mıhaıl Grıgorevti óz qataryna qosyp aldy. 1991 jyly Reseıdiń Túmen qalasynda dúnıege kelgen hokkeıshi 2012/13 jylǵy QHL maýsymynda «Barys» klýbynda oınaǵan. Klýb pen oıynshy arasyndaǵy kelisimshart boıynsha, 31 jastaǵy tájirıbeli qorǵaýshy elordalyq komanda sapynda kelesi jyldyń 30 sáýirine deıin óner kórsetedi.
Mıhaıl Grıgorev ár jyldary QHL-da baq synaıtyn «Avangard», «Spartak», «Dınamo» klýbtary jeıdesinde muzaıdynǵa shyqqan. Al keıingi maýsymda ol Magnıtogorskiniń «Metallýrgynda» oınap, Gagarın kýbogynyń fınalyna deıin jetti. Bir maýsymda ol 24 oıyn ótkizip, eki márte áriptesterine nátıjeli pas asyrǵan.
