Ulybrıtanııa ashyq chempıonatynyń 17-raketkasy bolyp tirkelgen Elena Rybakına tórtinshi aınalymda dúnıejúzilik reıtıngte 80-orynda turǵan horvatııalyq Petra Martıchpen sheberlik baıqasty. Bir jarym saǵatqa jalǵasqan básekede otandasymyz eki sette – 7:5, 6:3 esebimen jeńiske jetti. Osylaısha, Elena Rybakına óz karerasynda tuńǵysh ret «Ýımbldon» jarysynyń shırek fınalyna joldama aldy. Ol byltyrǵy básekede tórtinshi kezeńde jeńilgen edi. Endi, mine, araǵa jyl salyp óz nátıjesin jańartyp qana qoımaı, tarıhı jetistikke qol jetkizdi. Jerlesimiz jartylaı fınalǵa shyǵý úshin álemniń 44-raketkasy aýstralııalyq Aıla Tomlıanovıchpen kezdesedi. Tomlıanovıch tórtinshi aınalymda fransııalyq Alıze Korneden (37) basym túsken bolatyn. Al A.Korne ekinshi kezeńde bizdiń Iý.Pýtınsevany, al úshinshi kezeńde álemniń birinshi raketkasy polshalyq Iga Shventekti jarys jolynan shyǵaryp jibergen edi.
Elena Rybakına «Úlken dýlyǵa» sanatyna enetin jarystarda birinshi ret shırek fınalǵa shyǵyp turǵan joq. Ol buǵan deıin byltyrǵy «Rolan Garros» týrnıriniń de shırek fınalynda oınaǵan bolatyn.
Elena Rybakına men Aıla Tomlıanovıch arasyndaǵy kezdesý búgin ótedi.
