Ulybrıtanııa ashyq chempıonatynyń 17-raketkasy atanǵan qazaqstandyq tennısshi shırek fınalda dúnıejúzilik reıtıngte 44-orynda turǵan aýstralııalyq Aıla Tomlıanovıchpen kezdesti.
Birinshi partııada otandasymyzdan ozyp ketken aýstralııalyq tennısshi sol basymdylyǵyn saqtaı aldy - 6:4.
Ekinshi sette Elena Rybakına ese qaıyrdy - 6:2.
Úshinshi, sheshýshi partııada da qazaqstandyq sportshy qarsylasyna des bermedi - 6:3.
Eki saǵatqa jýyq sozylǵan matchta E.Rybakına 15 eıs jasap, 9 breık-poınttyń beseýin paıdalana aldy.
Osylaısha, E.Rybakına qazaqstandyq tennısshiler arasynan alǵash ret Ýımbldon týrnıriniń jartylaı fınalyna ótt. Ol fınalǵa shyǵý úshin álemniń 18-raketkasy, «Úlken dýlyǵa» jarysynyń eki márte jeńimpazy, rýmynııalyq Sımona Haleppen talasady.
