№2 sot qańtar aıyndaǵy oqıǵalar kezinde Aqtóbe áýejaıyna shabýyl jasady dep aıyptalǵan J., Sh. jáne K.-ǵa qatysty qylmystyq isti qarady.
«Tergeý nátıjesinde J., Sh. jáne K. qańtarda suıytylǵan gaz baǵasynyń kóterilýine baılanysty narazylyq aksııasyna qatysýshylardy qoldaý úshin áýejaıǵa kelip, kelýshilerdiń kirýine jáne shyǵýyna kedergi keltirgen. Sondaı-aq áýejaı ǵımaraty men úı-jaılarynyń zaqymdalýyna qaýip tóndirdi dep aıyptaldy. Zańǵa qaıshy áreketterdiń nátıjesinde barlyq baǵyttar boıynsha ushýlar tolyq toqtady», delingen habarlamada.
«Á.Moldaǵulova atyndaǵy Halyqaralyq áýejaıǵa» jalpy somasy 1 672 250 teńgege materıaldyq zalal keltirilip, búgingi kúni tolyq kólemde óteldi.
Sot aıyptalýshylardy QR QK 269-baby 1-bóligi boıynsha kináli dep tanyp, árqaısysyna 3 jyl 6 aı merzimge bas bostandyǵyn shekteý túrindegi jaza taǵaıyndy.
Sot úkimi zańdy kúshine engen joq.
