23 maýsym kúni Qyzylorda oblysy PD Esirtki qylmysyna qarsy is-qımyl basqarmasynyń qyzmetkerlerimen «Qarasora-2022» jedel-profılaktıkalyq is-sharasy kezinde sıntetıkalyq esirtki zattaryn Almaty qalasynan Qyzylorda qalasyna tasymaldaý kezinde Almaty qalasynyń turǵyny ustaldy.
Saraptama qorytyndysyna sáıkes, zattaı dáleldeme retinde alynǵan zat jalpy salmaǵy shamamen 6 gramm bolatyn mefedron preparaty bolyp shyqty.
Atalǵan derek boıynsha Qazaqstan Respýblıkasy Qylmystyq kodeksiniń 297-baby 3-bóligi (Asa iri mólsherdegi esirtki, psıhotroptyq zattarǵa, sol tektesterge qatysty jasalǵan esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergep-tekserý áreketteri bastaldy.
Qazirgi tańda kúdikti 20 jastaǵy azamatsha Qyzylorda qalalyq Polısııa basqarmasynyń ýaqytsha ustaý ızolıatoryna qamaýǵa alyndy.
Aıana Toǵanbek
