Shymkent qalasy polısııa departamenti Abaı aýdandyq polısııa basqarmasyna jergilikti turǵyn aryzdanyp, alaıaqtarǵa aldanǵanyn aıtqan. Egde jastaǵy áıeldiń aıtýynsha, 3 naýryzda beıtanys kelinshek memleket tarapynan páter alyp beremin dep sendirgen. Ol 9 000 000 teńgeni qoldy qylyp, qazirgi ýaqytqa deıin aldap kelgen.
«Atalǵan jaıt QR QK 190-baby boıynsha tirkeýge alyndy. Dál osyndaı jaǵdaımen polısııaǵa taǵy birneshe turǵyn shaǵymdanyp, joǵarydaǵydaı alaıaqtyq arbaýyna túskenin jetkizgen. Kelip túsken aqparattar aıasynda jedel izdestirý sharasyn júrgizgen Shymkent polıseıleri kúdikti retinde jas kelinshekti ustady. Bir jarym jyl ishinde Shymkent pen Túrkistan oblysynyń taǵy 39 turǵyny osy áıelge aldanǵan. Olardyń keıbirine páterden bólek, bıznesin qoldaý úshin memleketten aqsha da ýáde etilgen. Kelgen shyǵynnyń jalpy somasy 40 mıllıon teńgege jýyq», delingen habarlamada.
Qazirgi tańda tergeý amaldary júrgizilip, is sotqa joldandy. О́z kezeginde Shymkent polıseıleri alaıaqtyq nemese basqa da qylmystardyń aldyn alý úshin turǵyndarǵa qaýipsizdik sharalaryn saqtaýǵa keńes beredi.
Aıana Toǵanbek
