Ready4Trade-Ortalyq Azııa jobasy Qazaqstannyń saýda portalyn iske qosty. Ony Eýropalyq odaq (EO) qarjylandyryp, Halyqaralyq saýda ortalyǵy (HSO) iske asyrady. Portal barlyq ımporttyq, eksporttyq jáne tranzıttik sharttylyqty, qajetti qujattardy, nysandar men rásimderdi egjeı-tegjeı sıpattaıdy. Qazir portalda 50-den astam taýarǵa arnalǵan rásimder sıpattalǵan.
Qazaqstanda platformany Saýda jáne ıntegrasııa mınıstrligimen yntymaqtastyqta «QazTrade» saýda saıasatyn damytý ortalyǵy» AQ ázirledi.
Portaldy iske qosýǵa Qazaqstan Respýblıkasy Premer-Mınıstriniń orynbasary – Qarjy mınıstri Erulan Jamaýbaev, Eýropalyq odaqtyń Qazaqstan Respýblıkasyndaǵy Elshisi E.P.Kestýtıs Iаnkaýskas, «QazTrade» saýda saıasatyn damytý ortalyǵy» AQ bas dırektory Azamat Asqaruly qatysty.
Premer-Mınıstrdiń orynbasary – Qarjy mınıstri Erulan Jamaýbaev jobany daıyndaý men iske asyrýǵa qosqan úlesi úshin EO pen HSO-ǵa alǵysyn bildirip, saýda portaly Qazaqstanda ǵana emes, búkil Ortalyq Azııa óńirinde turaqty jáne jan-jaqty ekonomıkalyq damýǵa yqpal etetinine senim bildirdi.
«Endi Qazaqstannyń syrtqy ekonomıkalyq qyzmetine qatysýshylar ımportta, eksportta jáne tranzıtte qoldanylatyn qaǵıdalar men rásimderge qol jetkize alady. Biz úshin Saýda portaly otandyq bıznesten keri baılanys alý quralyna aınalady. Osy baǵyttaǵy jumys bıznes qaýymdastyqtarmen jáne ýákiletti organdarmen belsendi túrde pysyqtalatyn bolady», dedi vıse-premer.
О́z kezeginde EO-nyń Qazaqstan Respýblıkasyndaǵy Elshisi Kestýtıs Iаnkaýskas myrza portaldy ázirleýge qatysqan barlyq taraptarǵa, ásirese Saýda jáne ıntegrasııa mınıstrligi men QazTrade kompanııasyna alǵysyn bildirdi. Ol sondaı-aq saýda portaly men saýda rásimderin jeńildetý jónindegi bastamalardyń búgingi jahandyq syn-qaterlerge naqty jaýap ekenin atap ótti. Qorytyndylaı kele, Elshi EO-nyń Qazaqstanmen jáne onyń barlyq qatysýshylarymen birge turaqty ekonomıkalyq damýǵa járdemdesý jáne damý salasyndaǵy barlyq basqa maqsattarǵa qol jetkizý isine beıildiligi týraly málimdedi.
«QazTrade» AQ bas dırektory Azamat Asqaruly portaldy iske qosý arqyly kásipkerlerdiń barlyq nysandar men qujattardy qosa alǵanda, ımport pen eksportta qoldanylatyn qaǵıdalar men rásimder boıynsha tolyq jáne naqty aqparatqa qol jetkize alatynyn atap ótti.
«2020 jyldyń tamyz aıynan bastap QazTrade – Ready4Trade-Ortalyq Azııa jobasynyń ınstıtýsıonaldyq seriktesi. Teńiz kóligimen tasymaldaýdy ulǵaıtýǵa qyzyǵýshylyqty arttyrýdyń jáne Kaspıı teńizindegi porttardyń áleýetin keńeıtýdiń ózektiligin eskere otyryp, alǵash ret teńiz porttarynyń ımporttyq jáne eksporttyq operasııalarynyń bıznes-prosesterin kezeń-kezeńimen qujattaý júrgizildi. Men saýda portaly barlyq saýda rásimderi boıynsha gıd bolatynyna senimdimin», dep túıindedi QazTrade bas dırektory Azamat Asqaruly.
Qazaqstannyń saýda portaly – Halyqaralyq saýda ortalyǵy iske asyratyn jáne Eýropalyq odaq qarjylandyratyn Ready4Trade Central Asia jobasynyń quramdas bólikteriniń biri. Osyǵan uqsas portaldar álemniń 30 elinde iske asyrylǵan. Ortalyq Azııada uqsas portaldar Tájikstan men Qyrǵyzstanda bar. Saýda portaldaryn iske qosýdy О́zbekstan men Túrikmenstan josparlap otyr.
Saýda portaly – bul baqylaý organdarynyń kommersııalyq sharttylyq týraly aqparatyn shoǵyrlandyratyn bıznestiń anyqtamalyq quraly ǵana emes, sonymen qatar saýda prosedýralaryn jeńildetýdiń birqatar artyqshylyǵyn usynady. Atap aıtqanda, portal bıznesmender tap bolatyn kommersııalyq sharttylyqtyń kúrdeliligin anyqtaýǵa jáne mólsherleýge, artyq jáne qajetsiz kidirtýler týdyratyn rásimder men talaptardy aıqyndaýǵa, transshekaralyq operasııalardy ońtaılandyrý jáne qysqartý boıynsha maqsattardy belgileýge jáne saýda rásimderin jetildirýge baǵyttalǵan bıznes úshin reformalardyń áser etý tıimdiligin ólsheýge múmkindik beredi.
