«Elena Rybakınany tennısten eń bedeldi Ýımbldon týrnırindegi keremet jeńisimen quttyqtaımyn. Ol fınalǵa jetti!» dep jazdy Memleket basshysy áleýmettik jelide.
Aıta keteıik, Qazaqstannyń birinshi, álemniń 23-raketkasy Elena Rybakına Ýımbldon týrnıriniń fınalyna shyqqan bolatyn. Qazaqstandyq tennısshi jartylaı fınalda álemniń burynǵy birinshi raketkasy, «Úlken dýlyǵa» týrnıriniń eki márte chempıony (Fransııa ashyq chempıonaty – 2018, Ýımbldon – 2019), qazirgi kezde reıtıngide 18-satyda turǵan rýmynııalyq Sımona Haleppen kezdesip, jeńiske jetti.
