1993 jyly Kanadanyń Medısın-Hat qalasynda dúnıege kelgen hokkeıshi 2017 jyly «Barystyń» jeıdesin kıdi. Arada bir jyldan asa ýaqyt ótkende ol Qazaqstan azamattyǵyn alyp, shaıbaly hokkeıden ulttyq qurama sapynda da halyqaralyq arenalarda oınaı bastady. 2017 jyldan 2021 jylǵa deıin bes maýsym «Barys» sapynda óner kórsetip, byltyr Máskeýdiń SSKA klýbyna aýysqan ol bıyl komandasymen birge Gagarın kýbogynyń jeńimpazy atandy. Jarty jyldyń ishinde qazaqstandyq hokkeıshi SSKA sapynda 28 match ótkizip, alty upaı jınady.
Aıta keteıik, Dıs «Barys» klýbynda júrip ár jyldary QHL-diń eń úzdik qorǵaýshysy, eń kóp gol soǵatyn qorǵaýshy-surmergen degen ataqqa qol jetkizdi. Sonymen qatar Qazaqstan quramasynyń qorǵaýshysy astanalyq klýb sapynda jalpy sany 269 kezdesý ótkizip, 174 upaı (67+107) jınady. Darren Dıs «Barystyń» eń qymbat oıynshysy retinde este qalmaq. Túrli bonýstar men syıaqylardy eseptemegende, Dıstiń jyldyq jalaqysy 100 mıllıon rýbl (shamamen 597 337 300 teńge) kóleminde edi.
Aıta keteıik, Gagarın kýbogy Qazaqstanǵa osymen ekinshi ret ákelindi. Buǵan deıin 2011 jyly qazaqstandyq qaqpashy Vıtalıı Kolesnık «Salavat Iýlaev» sapynda dál osy kýbokqa qol jetkizip, О́skemenge alyp kelgen bolatyn.
