Quramyna BAQ ókilderi, qoǵam qaıratkerleri jáne bank salasynyń qyzmetkerleri engen qazylar alqasy baıqaýdyń bas júldesine №15 orta mekteptiń oqýshysy Angelına Gazdıeva laıyqty dep tapty.
Jeńimpazǵa bas júlde – sońǵy úlgidegi iPhone 13 Pro uıaly telefonyn Qazaqstan Jýrnalıster odaǵynyń Qaraǵandy oblystyq fılıalynyń dırektory Jánibek Sadyqanov tabys etti.
Angelına Gazdıeva tórt jyldan beri vıdeo túsirip, beınemontaj jasaýmen aınalysyp keledi eken.
– Úlkenge de, kishige de jańa dúnıe usynatyn tek tanymdyq beıne rolıkter túsiremin. Baıqaýdyń sharty boıynsha usynylǵan taqyryp meni qatty qyzyqtyrdy. Men túsirgen beıne-rolıkti kórip, adamdar ınternet-alaıaqtyq degen ne jáne onymen qalaı kúresýge bolatynyn bilýi úshin barymdy saldym. Jeńiske jetemin dep kútken joq edim. Álbette, óte qýanyshtymyn! – dep aǵynan jaryldy Angelına.
Sondaı-aq baıqaýdyń qorytyndysy boıynsha birinshi oryndy Aısultan Jaqypov alsa, Bekjan Esenov ekinshi júldeni, al Elena Saharchýk úshinshi oryndy ıelendi.
Marapattaý rásiminiń sońynda Qaraǵandy oblystyq PD basshysynyń orynbasary Ábil Ábildın baıqaýǵa qatysýshylarǵa alǵys aıtyp, áriptestik negizdegi yntymaqtastyqtyń aldaǵy ýaqytta da jalǵasyn taba bererine senim bildirdi.
QARAǴANDY
