Qala basshylyǵymen birlesip beınekonferensbaılanys rejıminde qalanyń aýrýhanalary men emhanalarynyń 70-ten astam bas dárigeriniń qatysýymen keńes ótti.
Qazirgi ýaqytta indettiń taralý qarqyny boıynsha Almaty sary aımaqta ornalasqan.
Vırýs juqtyrý jaǵdaıy 0,2%-ǵa deıin ósti, al onyń taralý koeffısıenti 1-den joǵary. Juqtyrý oshaqtarynyń eń kóp sany Bostandyq, Almaly, Alataý jáne Medeý aýdandarynyń aýmaǵynda ornalasqan.
Infeksııanyń ósý sebepteri men kózderi - qoǵamdyq oryndarǵa barý, úıdegi, qalalyq kóliktegi, jumys ornyndaǵy baılanystar, sondaı-aq vaksınasııa men revaksınasııa qarqynynyń tómendeýi.
Osy oraıda qala ákimshiligi vaksınalaý men revaksınasııaǵa, naýqastardy oqshaýlaýǵa baqylaýdy kúsheıtý, negizgi aldyn alý sharalaryn saqtaý qajettiligi týraly halyqpen túsindirý jumystaryn júrgizdi.
Sonymen qatar Almatyda pandemııanyń jańa tolqynyna 7000 tósek-orny bar 23 kovıdtik klınıka, onyń ishinde 250 reanımasııalyq klınıka daıyndaldy.
QR Premer-Mınıstriniń orynbasary Eraly Toǵjanov vaksınasııa men revaksınasııany uıymdastyrýdyń, qalanyń densaýlyq saqtaý júıesiniń koronavırýstyq ınfeksııamen syrqattanýshylyqtyń kezekti ósýine daıyndyǵynyń mańyzdylyǵyna nazar aýdardy.
«Búgin qoıylǵan mindetterdi qalanyń bas memlekettik sanıtarlyq dárigerimen birlesip taldap, koronavırýstyq ınfeksııanyń aldyn alý jáne taratpaý boıynsha qajetti sharalar qabyldaýdy suraımyn», dedi Eraly Toǵjanov.
