«7 shildede tańǵy saǵat 4:58 shamasynda, «102» pýltine oblys ortalyǵynda ornalasqan oıyn klýbynyń kassıri habarlasty. Jábirlenýshiniń aıtýynsha, betperde taqqan belgisiz bireýler oıynhanaǵa qaraqshylyq shabýyl jasaǵan. Iаǵnı betperde kıgen, qolynda qarýy bar eki er adam kirip, aıtqan talaptaryn oryndamasa dene jaraqatyn salamyz dep qorqytqan. Odan ary jas jigitter aram oıyn iske asyryp, oıynhanadaǵy kassa jáshigin buzyp, ishinen 350 000 teńge aqshany alyp, izin sýytqan», dedi Túrkistan oblysy PD bastyǵynyń orynbasary polısııa polkovnıgi Qurmanbek Sahov.
Derek QR QK-niń 192-baby 2-bóligi «Qaraqshylyq» boıynsha tirkelgen.
Túrkistan oblysy Krımınaldyq polısııa basqarmasy men Túrkistan qalalyq polısııasynyń tájirıbeli qyzmetkerlerinen arnaıy jedel-tergeý toby qurylǵan. Jaqyn mańdaǵy aýmaqtar qaralyp, yqtımal kýálardan jaýap alyndy. Beınebaqylaý kameralary tekserilgen. Jan-jaqty jedel-izdestirý is-sharalary nátıjesinde eki táýlik ishinde kúdikti retinde eki turǵyn anyqtalyp, ustalǵan.
«Tergeý barysynda jas jigitter qylmys jasaǵanyn moıyndap, urlanǵan aqshany jeke qajettilikterine jumsaǵanyn jetkizdi. Sonymen qatar, kúdiktilerdiń biri qolyndaǵy tapansha oıynshyq ekenin, ony qala bazarlarynyń birinen satyp alǵanyn aıtty. Al qaraqshylyq shabýyl jasaǵannan keıin ol qarýdy dárethanaǵa tastaǵan. Oıynshyq tapansha zattaı dálel retinde tárkilenip alyndy», dedi Qurmanbek Sahov.
Qazirgi ýaqytta sotaldy tergeý amaldary júrgizilip jatyr. Kúdiktiler qamaýda.
