Issapar barysynda májilismender qurylysty júrgizgen «QazMunaıQurylys» JShS ókilderimen kezdesip, jańa nysanǵa qatysty mańyzdy máselelerdi talqylady. Jańa nysannyń jalpy quny 198 mln 675 myń teńgege baǵalanyp, 173 mln 290 myń teńgege kelisimshart jasalǵan bolatyn. Qurylys jumystary shilde aıynyń sońynda tolyǵymen aıaqtalyp, nysan tamyz aıynyń basynan bastap aýyl halqynyń ıgiligine beriledi. 25 adamdy qabyldaýǵa arnalǵan ambýlatorııada tehnıkalyq qyzmetkerlerdi qosa eseptegende 5 adam eńbek etpek.
Májilis depýtaty Meırambek Tólepbergen bul Amanat partııasynyń 2021-2025 jyldarǵa arnalǵan «О́zgerister joly: Ár azamatqa laıyqty ómir!» atty saılaýaldy baǵdarlamasyn iske asyrý jónindegi Jol kartasy aıasynda boı kóterip jatqan áleýmettik nysan ekenine toqtaldy. Qurylys jumysynyń sapasy men josparly ýaqytta aıaqtalýy depýtattardyń baqylaýynda ekenin jetkizdi.
Al aýdan ákimdigi dárigerlik ambýlatorııanyń burynǵy eski ǵımaratyn turǵyn úı retinde qaıta jasaqtap, aýyl dárigerlerin baspanamen qamtamasyz etýge qulshynyp otyr.
«Aýdandardy aralap júrgen kezde kóptegen jastarmen kezdestik. Ishki saıasat bólimderine qarasty «Jastar resýrstyq ortalyqtarynda» eńbek etetin qyz-jigitterdiń jalaqysy mardymsyz ekenin ańǵardym. Sol sebepti jergilikti atqarýshy bılik ókilderi «Dıplommen – aýylǵa» baǵdarlamasynan tys kelgen jastardy da jumyspen qamtý máselesin sheshýi kerek. О́ıtpese bolmaıdy», deıdi M.Tólepbergen.
Jambyl oblysy
