Sınoptıkterdiń málimetinshe, ońtústik sıklon jáne onymen baılanysqan atmosferalyq frontaldy bólikter el terrıtorııasynyń basym bóligine yqpal etedi. Jańbyr, naızaǵaı, burshaq, jeldiń kúsheıýi kútiledi.
Sondaı-aq ońtústiginde kúndiz shańdy daýyl, soltústiginde túnde jáne tańerteń tuman bolýy múmkin.
Tek Qazaqstannyń batysy men ońtústik-batysynda antısıklonnyń áserinen jaýyn-shashynsyz aýa raıy bolady.
Qyzylorda oblysynyń basym bóliginde, Batys Qazaqstan oblysynyń batysynda, soltústik-shyǵysynda, Atyraý oblysynyń shyǵysynda, soltústiginde, Túrkistan oblysynyń shóldi aýdandarynda tótenshe órt qaýpi saqtalady.
Kúndiz Atyraý oblysynda, Batys Qazaqstan oblysynyń ońtústik-batysynda, Aqtóbe oblysynyń ońtústiginde, batysynda, Mańǵystaý oblysynyń ońtústiginde qatty ystyq bolady.
